الأحد، نوفمبر 01، 2009

سرطان الثدي أبتلاء،،وأنا لست بالمرأة الحديدية 11


الصحفية هويدا حافظ،،،صفاء،،،إيمان قنديل،،،فاديه




خليكي قوية زي ما اتعودنا


تلك هي العبارة التي أمطرني بها زوجي وأولادي وأهلي وأحبائي وأصدقائي وزملائي ومعارفي منذ بداية المحنة وحتى الآن


نعم طوال عمري بدوت للأخرين قوية في جميع المواقف التي مررت بها في حياتي ، ولا أدري لماذا أعتقد جميع من حولي بإنني أمرأة حديدية لا يمكن أن تتأثر بأية مواقف حولها، ولا يمكن أن تضعف أو تلين أو تنهار وكأني تمثال من الصلب ،حتى أن البعض كان يستنكر علي أن أتألم أو أتوجع، بل كانوا ينظرون الي بعين الشك والريبة عندما أبكي وأشكو لهم ضعفي


خليكي قوية زي ما عودتينا دايما


عبارة صرت أكرهها لإنني لم أكن يوما قوية ،،، لكنني مثلت القوة كي أستطيع أن يكون لي مكانا مهما في قيادة أشرعة سفينة حياتي العائلية،،فأعتاد زوجي وأولادي أن يروني أمرأة حديدية تدفع بهم الى الأمام وتعلمهم مواجهة مواقف الحياة الصعبة بقوة


كما اعتاد الأهل والأصدقاء أن يروني أمرأة عاقلة تستطيع ان تحكم على كافة الأمور والمشكلات بعقلانية ،،،حتى أعتقدوا أنني أمرأة بلا مشاعر وتفتقد العواطف،،حتى أذا رأوني أبكي تعجبوا من أمري


وأعتاد زملائي أن أكون في قول الحق قوية،،ولا أهاب رئيس ولم أحن رأسي يوما بسبب لقمة العيش ،،لذلك أعتادوا دائما أن أكون المرأة القوية
الفنانه يسرا بين الدكتور شعلان ومديحه خطاب

فهل أمرأة بتلك الصفات يمكن أن تحس وتتألم وتتوجع ،،،وتنهار وتبكي؟؟؟؟؟؟


لذلك لابد أن أمثل دائما دور المرأة الحديدية


لكن الحقيقة التي أعلنها للجميع ،،،إنني خدعتكم جميعا ،،فأنا أضعف من الضعف وكنت أرتدي قناعا مزيفا ،سقط عن وجهي وظهرت على حقيقتي، وبدأت أصرخ في وجه كل من حولي وكل من يقول عني قوية، ويطالبني بأن أكون قوية

أنا لست بقوية


أنا أغلب من الغلب



============================================

في تلك الفتره اصبحت مدمنة كافة المواقع التي تتحدث عن سرطان الثدي،،،وعلمت انه من ضمن اسباب الأصابة ايضا (((الحزن والصدمات العاطفية وشيل الهم))) والحقيقة أني كده لأني شايله هموم كل من حولي
============================================

أصبحت أبغض شارع القصر العيني ،،وميدان الجيزه ،،وعماره الأطباء في شارع عبد المنعم رياض في المهندسين،،ومنيل الروضه،،لأنني دائمة التنقل فيها من مستشفى ،،لجراح،،،لطبيب،،،لمعمل تحليل ،،لمركز اشعة ،،فتلك الأماكن جميعا تسيطر عليها رائحة المرض(أو هكذا أشعر عندما أمر بها)،،بجد ارتباط شرطي اصبح يسيطر على انفي لدرجة عجيبة

==========================================

ذهبت للأشترك في المؤسسة المصرية لمكافحة سرطان الثدي ،وفي اليوم الذي نزع فيه الدكتور محمد شعلان الدرنقة من جسمي سألني (ستشاركينا في المارثون؟)فأجبت بنعم دون تردد،، وأشتركت في الماراثون الذي أقيم في الأهرامات ،،لأكنني لم أحتمل وعدت بعد 10 دقائق تقريبا خاصة مع توصيات النساء الناجيات من سرطان الثدي لزوجي بأن يعود بي فورا للبيت لأنني الآن تماما كالمرأة حديثة الولادة،وتعرفت بمجموعة منهن من جميع الأعمار وكنا جميعا نرتدي التي شيرتس البمبي وهذا يعني نساء نا جيات من سرطان الثدي اونساء مازلن تحت العلاج


وبالمناسبه أصبحت ابغض اللون البمبي بعد ان كان من االألوان المفضلة لدي



أحبائي

اعلم أنني أصبحت أمرأة نكدية وكئيبة بالنسبة لكم ولكل من حولي


لذلك امنحكم جميعا قبلاتي لأنكم شاركتوني بحب أزمتي

هناك 27 تعليقًا:

mahasen saber يقول...

انتى جميله وحبوبه ورائعه ومعطائه وكريمه ومحبه
ومحظوظ اليى يتشرف بمعرفتك وعمرك ابدا ما كنتى مدعاه للكآبه
ربنا يعافيكى ويطمنا عليكى

بحبك جدا جدا وبتمنالك كل الخير لانك تستاهليه واكتر

nouna يقول...

ست الكل
حبيبك يبلع لك الزلط
كلنا او بلاش كلنا البعض مننا من كتر شيل الهم والمسئولية عتد اول ازمة بينخ زى الجمل وبعدين ازمتك غير كل الازمات...ازمة شديدة وامتحان صعب لازم تخرجى منها قويةوبشدةعلشان تواصلى المعركة مع الدنيا والحياة لان العجلة لا تتوقف,,بصى حواليك وسعى الدايرة وانت حتعرفى فين قوتك والسر فيها ايه

السنونو يقول...

أنا كمان بحبك أوى وأكتر بعد ما لمست قوتك لأنه فى الإحساس بالضعف مكمن قوة الإنسان

Cute Kitty **sookra يقول...

ربنا يعافيكى

سمكه واحده يقول...

شوفي ياستي غرام دي تاني مره اعلق فيها والدنيا بتشتي وشتي ايه جميل ايون من اول شهر نوفمبر كده والشته بيقول انا جيييت
كمان انا بحب الشهر ده بيقولك ايه؟
ان كل العباقره اتولدوا فيه ايون ايون صدقيني زي ما بقلك كده
لا وبجد غير كده بحب شهر 11 تحسي اول الشتي وشهر فخم كده
:)
والناس بقي عماله تجري والدنيا تمطر والمطر ريحته حلوووه واسكندريه جميله في الشتي
ايه العبط ده ياسمكه!
لا بس بوصفلك الحاله اللي انا فيها منا مش عاوزه اقلك كمان كنت بصالح ماما من شويه ببيبسي خطفتها مني وهي زعلانه ال يعني
في امهات كده ؟ لا وبقولها ادعيلي ياماما لاو بتقولي لا مش عاوزه اقلك هي قالت ايه(وش مكسوف)
وصيها عليا الله يكرمك ياغرام
كمان شوفت راجل واقف بالعربيه ونزل مراته تشتري حاجه من السوبر ماركت هي ههههه يامساء النداله وهي بتجري من المطر
تصدقي عجبني

أمل حمدي يقول...

لا يا حبيبتي هي مرحلة وان شاء الله هاترجعي احسن من الاول

ربنا معاكي يا ايمان

سمكه واحده يقول...

نيجي بقي ليكي انتي وسيبك من شهر نوفمبر ده خالص خالص

انتي ولا قويه ولا جامد وانا مش هقول عليكي تاني جامد ولا قويه طلما انتي بتضيقي من الكلمه دي مين ده الي قال كده بس!!!!
انتي بس طيبوبه وجميله وجدعه هو عشان جدعه فكله بيقول كده
بس عاوزه اقلك قوتك ظهرت اصلا اساسا يعني في البوست ده(وش مطلع لسانه)
لا حقيقي

وبعدين انا كمان مش بحب اللون البمبي وكرته زياده اهو عشان خاطرك حتي ياشيخه لون مايع كده ومايص وملوش اي ملامح
وغتيت ال بمبي ال

ومتقوليش انك اصبحتي نكديه لان حتي وانتي في زعلك وحزنك بستمتع بكل حرف تكتبيه وطريقه الساخره وخفه دمك اللي بتظهر حتي في عز حزنك وانتي علي قلبنا زي العسل
عشان كده انا بقول انها مرحله وهتعدي ان شاء الله

كمان عاوزه اقول حاجه اكيد انتي عارفاها
ان الحاجه اللي بتحصلنا في ظاهرها شر وبتزعلنا وحزن بس في باطنها خير وخير اوي والله بس احنا لانعلمها
ربنا كبير وحكيم ولطيف بعباده
ربما كل ده لسبب لا يعلمه الا الله
وتأكدي انها خييييير والله خير وبكره تشوفي وحاجه وهتعدي وهتبقي زي الفل
وبكره تقولي سمكه قالت

سمكه واحده يقول...

معلش انا اسفه بجد ده تالت تعليق
(وش مكسوف) اصلي حابه اقعد هنا شويه اصلك وحشاني
استحمليني اخر حاجه كنت حابه اقولهالك قصه سمعتها وافتكرتك سعتها استحملي سخفتي قلبك طيب وهتستحملي سموكتك انا عارفه

(الكوخ المحترق )

هبت عاصفة شديدة على سفينة فى عرض البحر فأغرقتها.. ونجا بعض الركاب..






منهم رجل أخذت الأمواج تتلاعب به حتى ألقت به على شاطئ جزيرة مجهولة و مهجورة.

ما كاد الرجل يفيق من إغمائه و يلتقط أنفاسه، حتى سقط على ركبتيه

و طلب من الله المعونة والمساعدة و سأله أن ينقذه
من هذا الوضع الأليم.

مرت عدة أيام كان الرجل يقتات خلالها من ثمار الشجر و ما يصطاده من أرانب،

و يشرب من جدول مياه قريب و ينام فى كوخ صغير بناه من أعواد الشجر ليحتمى

فيه من برد الليل و حر النهار
و ذات يوم، أخذ الرجل يتجول حول كوخه قليلا ريثما ينضج طعامه الموضوع على

بعض أعواد الخشب المتقدة. و لكنه عندما عاد، فوجئ بأن النار التهمت كل ما

حولها.

فأخذ يصرخ:

"لماذا يا رب؟

حتى الكوخ احترق، لم يعد يتبقى لى شئ فى هذه الدنيا و أنا غريب فى هذا المكان،

والآن أيضاً يحترق الكوخ الذى أنام فيه...

لماذا يا رب كل هذه المصائب تأتى علىّ؟!!"

و نام الرجل من الحزن و هو جوعان، و لكن فى الصباح كانت هناك مفاجأة فى انتظاره..

إذ وجد سفينة تقترب من الجزيرة و تنزل منها قارباً صغيراً لإنقاذه.

أما الرجل فعندما صعد على سطح السفينة أخذ يسألهم كيف وجدوا مكانه

فأجابوه:

"لقد رأينا دخاناً، فعرفنا إن شخصاً ما يطلب الإنقاذ"

!!!

(إذا ساءت ظروفك فلا تخف..)
........................
.........................

(فقط ثِق بأنَّ الله له حكمة في كل شيء يحدث لك وأحسن الظن به..)
...........
.........

و عندما يحترق كوخك..
اعلم أن الله يسعى لانقاذك..

ده اللي عاوزه اقوله
بس كده
ثقي في الله
:)

rovy يقول...

اختى الحبيبه
لا لست كئيبه ابداا يا غاليتى و لكنكى ايضا لست امرأة حديديه .. انتى انسانه جميله و احسك شفافه جداا و حساسه ايضأ جداا .. اعلم اننا لا نملك لكى سوى بعض الكلمات التى ربما تكون كالمسكن تسكن الالم قليلا و لكن يبقى الداء لا يشعر به سواكى وحدك .. و لكننا ايضا نملك الدعاء لكى و ندعوا الرحمن ان يتقبله منا ان شاء الله فهو الرحمن الرحيم القريب المجيب لدعوة الداع اذا دعاه .. لا نعلم الحكمة من ابتلاء المولى عز وجل لنا و لكننا على يقين انه موجود سبحانه و انه معنا يعلم باحوالنا و يسمع ندائنا و دعائنا و انه قال سبحانه و قوله حق دعونى استجب لكم و لذا فأننى ادعوا المولى عز و جل ان يشفيكى شفائا تاما و ان يعينك و يمنحكى القوة و الصبر على المرض الى ان تشفى تماما منه و ما هو بعزيز على الله ..فقط ادعيه بثقه فى انه القريب المجيب الذى لن يرد دعاء المضطر ابدا ان شاء الله
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى
اسأل الله العظيم رب العرش العظيم ان يشفيكى

micheal يقول...

بندعيلك والله
ربنا يقويكي ويحفظك
تقبلي فائق تحياتي

فكرة من الزمن ده يقول...

صباحك سكر
وحشتيني
معلش قصرت في الايام اللي فاتت في السؤال عنك اعذريني غصب عني

اوعي تفكري كده
انت مش نكدية
انتي صادقة جداا وطبيعية ورقيقة وقوية
انتي مامثلتيش القوة
انتي فعلا فيكي الميكس بين القوة والرقة والحنان اما الاحساس اللي انتي فيه
فدي الطبيعة البشرية لما نمر بالمحن بنشعر بالضعف
وده لاننا بشر ولا يمنع عن البشر انهم يكونوا اقويا حتى لو لم يرو نفسهم كده
واوعي تزعلي مني وتقولي انا مش قوية

اما ان الحزن والصدمات والقلق من اسباب الاصابة بالسرطان فده حقيقي وانا لمسته في كتير ناس حصل لها كده فعلا

ربنا يكمل ليكي الشفا على خير وترجعي لنا يارب بسرعة
تحياتي وقبلاتي

أحــوال الهـوي يقول...

اللي هاقوله دلوقت مش مجاملة او طبطه دي حقيقه فاذا قريتيها برجاء صدقيها

القوة ليست تحمل الالم القوة ليست بعدم الخوف من المرض او الموت بل مواجهة الحقائق بشجاعة كلنا نخاف و اشجع الرجال يخافون الموت و يأنون من الالم
القوة هي ايمانك بقدر الله و التوكل عليه و لعلي قلت لك من قبل ان الله بداخلك و كنتي ترددين الدعاء و انت تحت تاثير البنج

سيدتي الكئيب من يقنط من رحمة الله و انت لم تفعلي الكئيب من ينفر الناس من حوله و انت جمعتي الناس من حولك
نحبك و لم نقابلك اصبحت شاغلنا الشاغل نتتبع اخبارك ندعو لك في محنتك لانك في صحتك كنت نعم الاخت و الام و الصديقة

ايمان لا تتبعي هواجسك و اتبعي ايمانك بالله ثم حب الناس

تحياتي

momken يقول...

قوليلى بقى اغلب الستات الى قبلتيهم
وضعهم ايه من العلاج الكيماوى

طبعاً بعضهم خضع للعلاج بالكيماويات
واصبحوا زى الفل

لان طالما الجسم اصبح على استعداد لتقبل المرض فلازم نحمى الجسم كله

فكرى فى الموضوع بطريقه انك خارج المشكله مش اكنك صاحبتها علشان توصلى للحل الصح

ومتتعمليش بمنطلق الاطفال مع الحقن

وطبعاً انا عارف انك اكتر حد هيتاكد من ان ده الحل الوحيد طرقيباً

لكن نصيحتى التواضعه
( فى اطباء بيقترحوا علاجات طويله الامد علشان يضمنوا استمرار المريض معاهم اطول فتره ممكنه ويضمنوا دخل ثابت منه
وانتى من الذكاء وتاثقافه لكتشاف الاطباء دول)

مش كل الى اسمه سبقه كلمه استاذ يبقى محترم ......ولا كل من كتب لقب استشارى يبقى رجل كويس ابداً

ربنا يهديكى للخير ويهيأ ليكى افضل الناس


تحياتى

Empress appy يقول...

مين قال انك نكديه
انتى اللى بتقولى ولا ايه هو فيه حد بيحكم على نفسه
سيبك من النغمه دى خالص انتى سكر مقالب فى قلوب الناس اللى بتحبك
ربنا يقويكى كمان وكمان

أم بتول يقول...

ايمان صدقينى أنت مش نكدية أبدا ، أنت بتحكى مشاعر مريتى بيها ، كل كلمة كتبتيها كأنها منى ، أنا كمان أصبحت مدمنة لكل المواقع التى تتحدث عن سرطان الثدى ، الحمد لله انا عديت مرحلة الشعاعى و الكيماوى ، مش عارفة اقول لك عن تجربة لازم تاخدى الكيماوى ولا الحالات بتختلف ، لأن أنا أجريت العملية مرتين لأنه حدث أرتداد للورم لأنى لم اخذ المرة الولى كيماوى لأنه كان عبارة عن حلية 5 م فقط و اخذت الشعاعى و الغدد الليمفاوية كانت كلها سليمة و غير مصابة ، وعلى كدة كان الأكتشاف مبكر جدا جدا ، لكن لنى لم أخذ الكيماوى رد تانى بعد سنة و نصف تقريبا و أجريت العملية للمرة الثانية و الحمد لله اخذت الكيماوى صحيح فترة صعبه بمترى بيها لكن بقوة أيمانك بربنا و صبرك بتعدى و أصبحت الن كما يقولون زى الفل ، ها تعدى صدقينى و ربنا ها يقويك عليها، و بعد ما تخلصى علاجك ها تستغربى على القوة الى كنت فيها و أنت فى أشد حالات الضعف الجسمانى ، أزاى قدرتى تتحملى كل دة ، و أزاى استحملتى ، ولكنها رحمه الله بنا ، ربنا دائما يبتلينا على قدر قدرتنا على التحمل فهو عز وجل لا يحملنا ما لا طاقة لنا به ، هو أقدر و اعرف الناس بنا و بقدراتنا ، ربنا يقويك و يتمم شفاؤك على خير و أن شاء الله ها ترجعى أحسن من الأول كمان .

صيدلانيه طالعه نازله يقول...

بصى بقى يا ست نكديه يوووووووووووه قصدى يا ست ايمان
ههههههههههههههه
انتى حبيبتنا سواء ضحكتينا او بكيتينا الامر واحد بالنسبه لينا
اللفات خلاص مرحله و انتهت و من دلوقتى تحاولى تدورى على اللى يبسطك و امسكى فيه و خليه دنيتك
و ابعدى عن الهم و النكد شويه
اقولك بلاش قنوات الاخبار خالص
خليكى فى موجه كوميدى ميلودى افلام و الافلام تبقى من نوعيه كتكوت ،عبود على الحدود ، كلم ماما
كده يعنى
دى روشتتى للعلاج و ابقى قوليلى على النتيجه

Ehab يقول...

اولا شفاكي الله وربنا يعافيكي من موضوع العلاج الكيميائي باذن الله
ولو لا قدر الله كتب عليكي نقول الحمد لله على كل حال
وانتقل بقى لنقطة امرأه قويه
يعني ايه حد قوي هو انتي تفتكري ان القوه دي طاقه سحريه عند ناس معينين بتخليهم عندهم تحمل وطاقه وقدرات اكبر ابدا انا قريت مره قصه عن عنتره بن شداد انه جاله رجل اعرابي قوي جدا وقاله انه عايز يعرف ايه اللي بيميز عنتره عن شجعان العرب يعني وايه اللي خلاه بالشهره دي وانه اقوى رجل ساعتها فعنتره ببساطه قاله انا مش هصارعك لكن انا هديك ابهامي تضغط عليه باسنانك وانا اضغط على ابهامك باسناني واللي يصرخ الأول يكون اضعف
وفعلا الرجل وافق وبعد دقيقه الرجل صرخ وساب صباع عنتر
فعنتر قاله انت لو صبرت شويه كمان كنت انا هصرخ وتفوز لكن القوه اللي عندي هي اني بقدر اتحمل واكتم المي وضعفي

وانتي طول عمرك عندك قوة عنتر قدام الناس عندك قدره تتعاملي مع المك وضعفك وتخفيهم وتتحمليهم
علشان كده الكل واثق وعارف انك قويه
لكن من حقك ان لما الألم يذداد وصباعك انضغط عليه قوي انتي كمان انك طبيعي تصرخي شويه وتتعبي شويه
معلش ان شاء الله فرج ربنا قريب

خدي بالك من نفسك قوي وحاولي دايما تعملي حاجه تغير مودك وتنسيكي الزهق
اما عن منطقة الجيزه وبقيت الأماكن اللي بتفكرك بالدكاتره وتعبهم يبقى حاولي متروحيش لدكاتره في المنيب علشان تعرفي تزوريني بقى ولا انتي ناويه تزوغي

ربنا يتم شفائك على خير وتقبلي اعتذاري عن تقصيري معاكي بجد

تحياتي

سلاااااااام
اخوكي ايهاب

حسن ارابيسك يقول...

شوفي اللي حصل حصل
خليها بقا على الله
وستي كانت تقول العفرايت مابتطلعش الا للي بيخاف منها
نتمنى أن نراكي معافية من كل مرض وسوء في أقرب وقت إن شاء الله
تحياتي
حسن أرابيسك

يا مراكبي يقول...

كل الأقوياء بيبقوا من جوه أغلب من الغلب .. دي حاجة معروفة جدا .. بس برضه إن شاء الله هتكوني أقوى من الحديد وبإرادتك هتهزمي أي مرض بتوابعه كمان

قيس بن الملووووح يقول...

سوف تكوني قويه وصابره ومحتسبه بفضل الله تعالي وبفضل تمسكك بحبل الله
سوف تكونين امرأة حديدية اذا ما ادركت ان كل انسان مبتلي وصابر علي البلاء يسمو بروحه فوق هذا البلاء وشخصيتك تساعدك كثيرا علي هذا

allfollowsome يقول...

لا والله انتى لسه قوية زى مانتى


هو فيه حد يمر باللى انتى مريتى فيه وميبقاش قوى


انتى ممكن تكونى اتهديتى شوية بس العملية والعلاج الخ بس مازلت قوية


وهم كام يوم كده وهترجعى زى اما كنتى واكتر


وهفكرك

:]

طوبه فضه وطوبه دهب يقول...

مهما قلتى على نفسك نكديه برضو بنحبك وشايفينك انسانه حبوبه وجميله اوى اوى وهنفضل شايفين جمالك دا على طول والضعف دا حاجه بتمس اى حد مننا لما بيعانى من حاجه توجعه او تألمه وعشان انتى قويه اوى وعندك كبرياء وعزه نفس اوى صعبان عليكى نفسك اوى لكن فعلا انتى قويه وقوتك دى هى اللى خلتك بامر الله قطعتى معظم مشوارك وان شاء الله تخرجى منه بكل خير وتفضل فى وسطينا ونحبك كمان وكمان

هبة شهاب يقول...

المرأة قوتها في ضعفها يا غرام
وألف سلامة عليكي وربنا يكمل شفاكي على خير إن شاء الله
ربنا يقويكي ويمنحك القدرة على التحمل والصبر

خواطر شابة يقول...

شفاك الله وعافاك وفرج كربك ان شاء الله
لست وحدك الضعيفة كلنا ضعفاء تحت حكم الله
انشاء الله نسمع عنك اخبار جيدة قريبا وتبشرينا بانتهاء العلاج وانك تخلصت من المرض نهائيا وما دلك على الله ببعيد

سمكه واحده يقول...

فينك؟
متختفيش كده تاني
طمنينا واكتبي اي حاجه
يارب تكونيس بخير ان شاء الله

فكرة من الزمن ده يقول...

غرام وحشتيني
وقلقانة عليكي
ياريت تطمنيني
وتطمني كلحبايبك

safa7_karmooz يقول...

ربما يعافيكى يارب ويقومك بالسلامة من تانى

بس انتى مش نكدية على فكرة...

خليكى حاطه جواكى ان بكرة احسن مهما حصل

الامل والتفاؤل بينفع بجد فى الحياة دى..:)