الخميس، مايو 28، 2009

البويه مسترجلة ومنتشرة عالميا


البوية كما يطلق عليها في دول الخليج تعني المرأة التي تتشبه بالرجال، و(بويه) هي تأنيث لكلمة(بوي)الأنجليزية والتي تعني ولد بالعربية وكما يقول البرفسور طارق علي الحبيب إستشاري الطب النفسي أنتشرت في المجتمعات العالمية وليست الخليجية فقط ظاهرة تشبه النساء بالرجال وتشبه الرجال بالنساء،وهو في حس المتلقي محظور شرعا،وهذا السلوك يقصده الإنسان، لعدة أسباب أما ان تكون رغبته الجنس، فتلبس البنت ثياب الولد وتتشبه به في جميع تصرفاته، أو العكس صحيح، فتلك الفتاه (البويه) لديها توجه جنسي تجاه البنت فتلبس ثياب الرجال لترغب البنات بها،وأحيانا أخرى قد تكون تعاني إضطرابا في هويتها الداخلية حيث يتملكها شعور بأنها ذكرا وليست بأنثى، وهذا الشعور ليس لرغبة جنسية أنما هو شعورها الذاتي وهويتها(أنا من أكون؟)لذلك يجب علينا أن نحدد، هل هذا الشخص لديه إضطراب في هويته الشخصية؟،أم إضطراب في توجهه ورغباته الجنسية؟،وكلا العنصرين يختلفان عن بعضهما تماما.

ويكمن الفرق بين الرجل والمرأة في أربعة محاور، الأول يتمثل في الجينات،والثاني في الهرمونات،و الثالث المظهر الخارجي،و الرابع وهو الأساس في وجهة نظري بين الرجل والمرأة وهو الشعورالداخلي في ذات الشخص وهو هل هو رجل بالفعل أم أمرأة؟، والمرأة المسترجلة قد تفعل فعل الرجال وهي أمرأة والعكس صحيح أيضا بالنسبة للرجل، ويقابل هذا السلوك إستهجان من المجتمع.

قضية المجتمعات الغربية
ويواصل البرفسور الحبيب: وهذه القضية بدأت في المجتمع الغربي، لأنه عندما بدأ فقد قام على أنقاض الكنيسة فرفض كل ماهو ديني أو أخلاقي،ورفض تدخل الدين في تحديد ماهو الصواب وماهو الخطأ؟لذلك ففي المجتمع الغربي الرغبة الجنسية وتوجهها خيارا شخصيا وليست قرارا دينيا، وأن الجنس هو نشاط بيولوجي ،وهذا خطأ لأن لكن فرد رغباته المختلفة عن الآخر وأتباع الرغبات الشخصية تجعل البشرية تضيع وتنحرف،لذلك فنحن نؤمن ان القرار العظيم لمن خلق البشرية جمعاء هو الذي يؤطر هذا الشيء.

والميل الجنسي للمرأة تجاه مثيلتها، أو الرجل تجاه مثيله لاشك أنه خاطيء ولامجال لوصفه بالمرض فهو ليس بالمرض،وفي رايي أنه أنحرافا فطريا،وهذا الإنحراف في تقييمي أن الإنسان ليس مسؤلا عنه بل الشعور الذي يسيطر عليه هو المسؤول عن ذلك الفعل تماما كالرغبة الجنسية العادية تجاه الرجل والمرأة فلا يسأل الإنسان عنها ولكن يسأل عنها لو غرسها في الحرام،لذلك فهذا الشعور لايسأل عنه لأنه قدر من الله أن يوجد هذا الشيء،لكنه سيحاسب من الله سبحانه وتعالى إن مارس ذلك الفعل.

ويضيف البرفسور الحبيب أن المرأة المسترجله هي تركيبه مابين الجينات وطريقة التربية وتوليفة إجتماعية تشكلها، كذلك بالنسب للرجل الذي يميل لكونه أمرأة،حيث قالت بعض الدراسات أن من يتربى في مجتمع نسوي قد ينشأ هكذا، وأقول نعم أنه عامل من العوامل لكنه لايكفي وحده، فهناك من تربوا بتلك الطريقة لكنهم لم ينشأوا على هذا الشيء،وإذا شعرت المرأة بأنها ذكرا فمن الطبيعي ان تميل للأنثي ويعتبر ذلك طبيعيا بالنسبة لها، ولكن إذا لم تشعر داخليا بأنها ذكر إلا أنها تميل للأنثي يعتبر غير طبيعيا، وعندما نقول طبيعيا فلا يعني أن ذلك أنه مقبولا ولكننا نقول طبيعيا بالنسبة للتوليفة النفسية.

وقبل أن نتطرق لعلاج تلك الشخصية وإرشادها للتحكم في سلوكها هذا لابد أن نشير الى أن هذا أنحراف داخلي ،ولابد أن كان يكون لدي الإنسان رغبة داخلية لعلاجه و أن يقاومه لأنه إنحراف داخلي،فهناك إنسان يرفض هذا الشيء ويعرف انه غير طبيعي ولا مقبول دينيا ولا مجتمعيا ويرغب في التغيير الى الطبيعة التي خلقها الله عليها وهذا يتجه الى العلاج وعلى المعالج أن يصبر عليه، وهناك لايريد التغيير و لايرفض هذا الشيء الذي يشعر به،ومقنع بذاته هكذا ويرفض التغيير،ومثل هؤلاء لامجال لهم للعلاج وانما إنزال العقوبة بهم حتى لايتدمر هذا المجتمع.
خطوات عديدة للعلاج
وهناك شروط يجب توفرها في المعالج وهي أنه لابد من خبرة جيدة في التعامل مع الضغط البشري،والمعرفة الجيدة بعلم النفس،وقواعد الحياة والأحكام الدينية،وليس بالضرورة أن يكون المعالج نفسيا،وأن يتحلى بالصبر والتفهم،وأن يكون مؤمنا بالتغيير، أن يكون واسع الصدر ويقبل الخطأ وعلى فكرة ودراية بالضعف النفسي والتعامل معه ،ويجب أن تكون علاقة المريض بالمعالج مبنية على الإحترام والحب والصبر والأمل في الشفاء،والإحتساب الى الله سبحانه وتعالى.

ويكمن العلاج يكمن في عدة خطوات مثل تعزيز التحكم بالنفس خلال التوجيه السلوكي،والتوجيه المعرفي،والتوجيه الروحاني،وبالعقاقير ايضا في بعض الأحيان وهي النسبة الأقل،وتأكيد العلاقة بين الفرد وربه خاصة مع تأخر الإستجابة .

ونحن نختلف عن الغرب في في طريقة العلاج حيث أنهم يتجهون لتخليص المريض من الشعور بالذنب،ومحاولة الشعور بأن حالته طبيعية،وتجريد الفعل من الشعور السلبي،والسعي في جعل الإنسان مرتاحا مع ممارسته.

وهذا لايتناسب مع مجتمعنا العربي المسلم حيث أن رحلة العلاج طويلة وتحتاج الى درجة عالية من التحمل وتوجيه النشاط الجنسي المثلي الى نشاط غيري،والأعتقاد بأن لاحل سوى إعادة توجيه الرغبة الى المسار الغيري،والإستشعار بالمكافأة من الله لأي جهد يبذلونه(والذين جاهدوا فينا لنهدينهم سبلنا).، وأن الله سيسهل لمن يكون جادا ويبذل واسع جهده في التغيير.

ويؤكد البرفسور الحبيب لقد خلق الله سبحانة وتعالى الغريزة الجنسية لدي بني أدم لحفظ النسل، وتذكر الآخرة،ويشير أن توجهات المعالجين نحو تلك الحالات بان هناك فريق يعتبر ان العلاج صعبا، ولايهتمون ولا يعتنون بعلاجها،غير واعين بالمنهج الروحي النفسي في العلاج،والفريق الثاني يتبع المنهج الشمولي البيولوجي النفسي الإجتماعي الروحي.
وان هناك مفاهيم منسية وهي أن المريض عليه أن يؤمن ان ما اصابه ابتلاء من الله سبحانه وتعالى،ولايعتبره نقصا او مهانه بل يعتبره مرضا ولاينظر اليه بالنظرة الإجتماعية،مثله كأي شخص اصيب بمرض أو مصيبه فيتقرب الى الله سبحانه وتعالى ويحاول الخلاص، وعليه أن يصبر ويدعو ويحتسب ، ولا يتقرب الى الله بلغة الحزن بل بلغة الأمل، وأن يتجه للعلاج والا ييأس ابدا من رحمة الله الذي سيمن عليه بالشفاء،وعلى المريض الا ييأس ويقنط حتى لو حقق تقدما 1% فهذا جيد.
=================
هذا البوست كان موضوع ورشة عمل قمت بصياغتها ونقلها لكم

هناك 38 تعليقًا:

فكرة من الزمن ده يقول...

ازيك يا غرام
حبييت اسلم عليكي وليا عودة بعد ان اكمل القراءة
تحياتي ودمتي بحب ووحشتيني

عاشقة حبيبتى يقول...

مساء الخير يا قمر

موضوعك جميل على فكرة البويات دى منتشرة جدا فى الكويت اكتر دولة فى الخليج


وانا شايفة ان علاج البوية او يكون بالحوار ودة بيتم على فترة طويلة شوية

ليا سؤال هى موضة فى المدونات اليومين دول انكم كتبين عن المثليات او البوية

بحس كلمة بوية الا هو الدهان فى مصر شوف كدة لون البوية


الا عايز يعالج بوية لازم يندمج فى العالم دة علشان يعرف الاول الحقيقة والواقع الا وصل البنات دى لكدة زى فلم ارض الخوف لما الضابط اندمج فى حياة تجار المخدرات


تحياتى ودمتى بكل الخير

سمكه واحده يقول...

الله عيكي بجد الموضوع ده مهم جدا والله انا زمان مكنش في دماغي ومكنتش اعرفه اصلا وكنت فاكره انه مقتصر علي الغرب من مشاهده الافلام الاجنبيه وبدات افهم الا اني اكتشفت انه منتشر وفي مجتمعنا العربي والله اتفجعت واستغربت ومكنتش مصدقه وفعلا لما بتفرج علي برنامج او مثلا رجل سلوكه مش طبيعي او طريقه الكلام او العكس مثلا في ناس كتير بتتريق انا عن نفسي والله بجد بتعاطف معاهم وبلتمس العذر منكرش زمان كنت بشمئز وبتريق بس بجد ده مرض وربنا يشفيهم بس المهم مينغمسش الانسان في المعصيه ويبقي عارف من جواه انه غلط وحرام ويدور علي حل وعندك حق دي حاجه عاوزه علاج ولازم يكون نابع من الانسان نفسه انه حاسس انه لازم يتعالج وميستسلمش ولازم المجتمع يساعد في ده
وده فعلا زي ما بتقولي ممكن بسبب تربيه او نشأه غلط ولازم لها حل وانه يعتبره مرض زي اي مرض ويتحمس للعلاج
لا نقص ولا مهانه مش ننبذهم ونسبهم كده ويتقربوا الي ربنا سبحانه وتعالي
ربنا يشفي كل مريض وربنا يرحمنا جميعا

اتكلمنا جد بقي فوق
اقلك بقي وانا صغيره كنت ديما تيته تقولي او ماما دي بتمشي زي الولد تيته بت ياسمكه متبصيش وراكي وامشي زي الراجل تمشي حد يصفر حد يكلم ولا ولا تعبري زي العسكري كده لحد الواحد ما صدق نفسه انه عسكري طب كانت تقول ظابط كانت تبقي مبلوعه شويه والواحد بقي يمشي جد والخطوه كتيبه كتيبه يعني مفيش هزار لما يقلك ده ولد ال ولد ال وكانت البت اختي وصحابها ميردوش يلعبوا معايا غير لو بقيت انا دور الولد مكنش حد بيحب يلعب الدور ده واكمني هبله وطيبه وعاوزه العب معاهم يا اخد دور الولد يا محدش يلعبني كنت برضي بنصيبي وانا منكسره ويخدوا اللعب الحلوه ويسبولي اللعب اللي مش عجباني واخدها واكتم في نفسي لحد ما وقفت مع نفسي وقفه وقلت لا مش هينفع كده ان انشالله العب لوحدي وكان بها بقيت اكلم نفسي ووالعب لوحدي لحد ما اتجننت ولا انيش انصاع وارء اغراضهم الدنيئه
ايه الرخامه دي
كانوا هينفعوني انا دلوقت يعني؟
اما كبرت وشوفت البلاوي السوده دي
لالالا يا جماعه
ده انا انوثه انوثه
ده انا بت بت ال ولد ال وكنت فرحانه جد بقي وكشره جتني خيبه
هو في احلي من الستات؟ مش بحبهم يعني لا بحب ابقي منهم
هو في احسن من الرجاله؟ بردو مش اني ابقي منهم لا احبهم يعني واخده بالك يعني (وش بيغمز)

اه علي فكره اول ما دخلت المدونه والاغنيه اشتغلت افتكرت زمان ايون كده الاغنيه بتعتنا انا وانتي بلاش بتعتي لوحدي مش كل حاجه هتبقي ليا انا بس(وش مطلع لسانه)
قمت رقصت تاني بقي زي زمان فاكره؟
اصلي نايمه طول النهار وفايقه بقي بدل ما تنيل اذاكر ياله
كفايه رغي بقي
علي فكره تاني
انا اللي بمووووووووووت فيكي

GHARAM يقول...

فكرة من الزمن ده


ازيك انت يافكره فين التعليق على البوست كده ماينفعش

GHARAM يقول...

عاشقة حبيبتى

صديقتي الجميله،أنا معك أن علاج البويه بالحوار وفترات طويله، وكما قال من ذكرته فب هذا البوست الأمر يطلب صبرا من قبل المعالج والمحيطين بها، ومنها هي نفسيا لأنه إبتلاء من عند الله سبحانه وتعالى

وفعلا لابد من الأندماج في هذا العالم للتعرف على الأسباب الحقيقية وعدم القاء التهم جزافا بمجرد السمع أو الإنقياد للأقاويل التي ربما تحمل مبالغات وظلم

أما عن موضة الكتابة عن المثليات أو البويات في المدونات، فالحقيقة أنا لا أتبع تلك الموضات ، وقد حضرت تلك الورشة فقمت بتسجيل ماقاله هذا البرفيسور في الطب النفسي،وكتبته بوست لإنني وجدت أهتماما كبيرا من الحاضرات لتلك الورشة وقلت ربما يفيد البعض هذا الموضوع


وأنا لا ألوم أحد ولا احاول أن أظهر بصورة الواعظ أو المنصح،وأنت ياعزيزتي تعلمين جيدا إنني في الأمور الإنسانية أتناقش بصراحة لعلنا جميعا نستفيد



تحياتي لك وأتبسطي بأجازتك وعموما أنا حا أكون برضه في مصر في الفتره دي لو حبيتي نبقى على أتصال

قبلاتي

GHARAM يقول...

سمكه واحده

تعرفي ياسمكه أنا بحبك ليه؟ بحس انك بسم الله مشاء الله فاهمه واعيه وبتعلقي تعليقات أكبر من سنك ودايما بتتعاطفي مع الإنسان لأنه بشر فيه الخير وفيه الشر، دايما أحكامك فيها لين ورفق،وده بيدل أن قلبك طيب



أما بقى كانوا بيقولوا لك أمضي زي الولد

ده نفس الكلام اللي كان بيتقال لي بالظبط بيتكرر معاكي مع أنك قد بنتي، يعني معقوله الموروث الثقافي زي ماهو ماتغيرش

الشنكوتي الكبير يقول...

غرام يا فنانه
ازيك وخراك ايه قبل اي شيء
بنوتك الحوله عامله ايه

البوست ده جاااااامد قوي بس مش عارف ليه مش حاسس برايك الشخصي وتعليقك على الموضوع فيه
حاسس انه دراسه كده علميه وخلاص حياديه تامه من ناحيتك وانا بصراحه كنت احب قوي اسمع منك تعليق على الكلام ده وتتحفيهم بمثل جامد عن الفكره دي بس من الموضوع طبعا كونت فكره عن رايك بما انك شاركتي في ورشة العمل اللي اعدته
المثليين بصفه عامه شخصيات تحتاج الى العلاج
منهم اللي عارف ده ومنهم اللي عارفه وبينكره
منهم اللي عايز يتغير ومنهم اللي رافض التغيير
ومنهم اللي دخل العالم ده لتجربة متعه محرمه جديده نتيجه لأنغماسه في شهوات ومفاسد كتير او ضعف شخصيته او تجربة كل ما هو غريب وخلاص
علشان كده المعالج لازم يعرف الأول هو بيتعامل مع انهي حاله علشان يبدأ علاجها فطبيعي اسهل حد في علاجه هم اللي داخلين الموضوع للتجربه وخلاص دول لأنهم بيبقوا فعلا مش شايفين فيه متعه غير مجرد ان الشيطان بيزين لهم الفعل ده سواء شيطان الجن او الأنس اللي مستفاد منهم
بالنسبه للشخصيات اللي فعلا عندهم الميول دي فدول بيبقوا اصعب كتير خاصة المتعلمين منهم والمثقفين لأنهم بيوظفوا عقولهم وقدراتهم الجديله على انهم يكدبوا اي آيه او دليل على خطأهم وبيبرروا حقهم في الممارسات دي بكل الطرق
وبيحاولوا ينضموا لحزب الأقليات والطضهدين في العالم كله علشان يستفادوا من اي جهه بتدعم القليات والمستضعفين
هتلاقيهم مثلا بيلجأوا لأمريكا ومنظمات حقوق الأنسان فيها واللي احنا كلنا عارفين انها منظمات عيره كل هدفها الدعايه لبلادها بدون اي تفعيل حقيقي

يعني الخلاصه علشان مطولش عليكي يا جميل ان دي شخصيات مريضه يجب علاجه وتجنبها على قدر الأمكان

وربنا يحفظنا

سلاااااااااااااااااااااااااام
اخوكي ايهاب

Sherif يقول...

العزيزة غرام

موضوع شائك كعادتك وتناوله فى ورشة عمل جعله أكثر حيوية وان كنا نحب ان نعرف الى ماذا توصلت ورش العمل لأنها مهمة جدا

الشئ الثانى أحيانا اتعجب من نظرتنا للأمور خصوصا كمسلمين .. فاذا أصاب أحد من غير ديانتنا قلنا أنتقام من الله سبحانه وتعالى .. واذا اصبنا نحن قلنا ابتلاء .. واذا اصبحنا ربحا وثروة قلنا بركة من الله ونعمة واذا اغتنى غيرنا قلنا زين الله للكافرين الحياة الدنيا وانما يمهلهم وانما ليس لهم فى الآخرة من خلاق ..

الست معى فى ان ذلك التناول هو تبسيط للأمور وعدم الخوض فى الاسباب وترك كل شئ للعناية الالهية والتخلى عن ادوارنا والاكتفاء بالتبتل والدعاء؟

وعودة الى الموضع المثير الذى نحن بصدده .. فى تقديرى وحسب علمى فان جوانبه تبدأ أحيانا بالفضول وبالأخص فى مرحلة المراهقة حيث الاضطراب الهرمونى عند التحول من مرحلة الصبا الى النضج تقتضى الاحتياج لشئ ما حتى من المثيل .. ولد او بنت

وقد تضطره الظروف الثقافية للمجتمع التى لاتتيح بسهولة الاختلاط مع العواقب المغلظة والمشددة تقف بالمرصاد لهذا وبالتالى يجد الشباب الحل فى الشذوذ ..

لكن يمكن لهذا الوضع أيضا أن يكون حالة مرضية .. وهو ليس شعور بقدر ماهو اختلال هرمونى وربما وقوع فى منطقة لاتكتمل معها الذكورة او الانوثة وهنا قد يقتضى الامر تدخل جراحى لضبط الاوضاع ومع ذلك لايتم التحول النهائى للجنس المقابل ..

المشكلة عزيزتى انه كانت القيم والاخلاق الدينية قديما قادرة على اشباع تلك المنطقة .. فالشباب كانوا يجدون الجوارى والاماء .. اما البنات فقد كن يتزوجن صغيرات جدا وقبل بلوغ العشرين ..

ماذا يفعل الشباب الآن .. الفتيات قبل الشباب وقد تخطى هذا الانتظار حاجز الخمسة عشرة سنة ؟ .. وهل يمكن ان يكون الحل دائما بالحمام البارد أو الصوم؟

اتحدث عن كل الاديان السماوية .. والتى اعتقد ان القائمين على الدين لم يجدوا الى الآن المعادلة المناسبة التى تتمشى مع عصرنا الحديث ..

آسف للإطالة .. لكن طبيعة موضوعاتك لاينفع معها كلمة وخلصنا

GHARAM يقول...

الشنكوتي الكبير



سترى رايي في الرد على التعليقات، فقد تعمدت الا أطرح رأيي مباشرة



شوية لؤم يعني
ههههههه

GHARAM يقول...

الصديق العزيز شيرين


الموضوع كان موضوع ورشة عمل وللأسف انها ضمت المحاضر وبعض النساء المهتمات بهذا الموضوع وغيرهن، وللأسف لم تظهر أية نتائج غير توصيات الطبيب النفسي الذي لخصها في العلاج والصبر ، صبر المعالج وصبر المحيطين بتلك الشخصية وصبر الشخصية نفسها،وأعتقد أن تلك الشخصيات ذهبت لأطباء نفسيين ولكن للأسف لم يصبروا معهم ونهبوا فلوسهم على الفاضي

فأنت تعلم أن العلاج النفسي مكلف،ومرهق ماديا


واتفق معك فيما قلته، أقسم بالله ياشيرين أن تعليقات دائما تكمل ما اكتبه، وكأنك تجلس معي مباشرة ونتكلم سويا في هذا الموضوع وغالبا آراءك تتفق تماما مع ما أعتقده


أشكرك ياصديق لأنني أشعر بسعادة بالغة لتوافق آراءنا

هندسة وصفية يقول...

طيب ليه منفكرش انه في الخليج مجتمع سطوة ذكوري و بنات كتير حاسة بالقهر من و هما صغيريين
و حاسين ان سبب تعاستهم في الحياة انهم اتولدو بنات
انا عايش في الكويت و شايف الظاهرة دي يمكن اقل من دول خليجية تانية بس برضه موجودة بقوة
انا من الحاجات الي مجنناني مثلا ان دعوات الافراح بتكون كالتالي
يتشرف فلاان و فلان بدعوتكم لحضور حفل زواج فلان نجل الاول علي كريمة الثاني
بس كدة حتي اسم البنت العروسة ممنوع يتقال
الميل المثلي غلط محدش قال حاجة بس مش شايفة انه الي المفروض يتعالج هو المجتمع مش البنت؟

يا مراكبي يقول...

محاضرة جميلة ومنظمة .. نشكرك عليها

من أفضل النقاط اللي لفتت نظري هي طريقة علاج المشكلة لدي الغرب .. الدكتور قال إنهم هناك بيخلوا المريض يحس ان الموضوع ده عادي وما يبقاش عنده شعور بالذنب .. وانا شايف ان لو الطريقة دي تم نقلها حرفيا لمجتمعنا ممكن تؤدي الى كارثة .. مش للأسباب اللي ذكرها الدكتور فقط .. ولكن لأن تقبل مجتمعاتنا لطريقة العلاج دي هتكون مرفوضة وممكن تتضاعف المشكلة النفسية لدى المريض .. ممكن يتعقد زيادة

تحياتي

Sharm يقول...

الله يعافيهم من بلواهم

Hesham يقول...

صديقتى العزيزة اولا وحشنى تعليقاتك على مدونتى وخصوصا اننا زملكاويه زى بعض ربنا يستر بكرة ومايجيش رئيس الناى واحد مجنون طبعا انتى فاهمة قصدى
عموما انا ليه تعليق بسيط على الموضوع الوبيه اولا انا عايش فى الكويت من حوالى 4 شهور وفعلا وجدت هذه الظاهرة منتشرة بصورة مش حنقول كبيره بس بصورة واضحة ولكن فى معظم الاحوال صدقينى وبعد مشاهدة عمليه فعليه اكتشفت ان معظم الموضوع انما هو تقليد اعمى ولاسيما من البنات المتشبهات بالرجال بمعنى ادق من الممكن ان تكون واحده فى مجموعه هى المنحرفة والباقى بيقلدوها من منطلق التقليد الاعمى لشباب فاضى مبيعملش اي حاجة فى حياته ومعاهم فلوس ليس الا صدقينى لقد شاهدت هذا بعينى كثير منهم لاهو خلل فى هرمونات ولاهو انحراف نفسى انما هو فراغ بدليل ولن اسهب فيه كثيرا ان لو بويه من البويات دول ارتبطت برجل واحبته فعلا باى شكل من اشكال الحب فهى تتخلى عن مظهر البويه وبترجع تانى لطبيعتها
ارجو تبادل الزيارات زى الاول ويارب ينصر كمال درويش العاقل الوحيد فى اللى متقدمين

Desert cat يقول...

عزيزتى غرام
البويات او المثليين ليسوا بمرضى يا عزيزتى ولكنهم نشأوا فى ظروف خاصة لا ابخثهم حقهم فى الحياة لانهم لم يتركبوا ذنب او جناية يعاقب عليها القانون انما من بينهم اشخاص قمة فى الذوق والإحترام
اشكر لك جدا البوست الموضوعى
تحياتى ليكى ومحبتى
:))

GHARAM يقول...

هندسة وصفية


اوافقك في الرأي المجتمع لابد أن يعالج أولا


تحياتي

GHARAM يقول...

Sharm

الله يعافينا جميعا، فمن يجزم أنه سليم معافى ؟؟؟

GHARAM يقول...

يا مراكبي


تعرف يامراكبي

بعد النقاش في هذا الموضوع وإجابات الطبيب تيقنت أن الأمر ليس بيدهم وفي البداية قال أنه مرض ثم تراجع وهذا واضح فيما كتبته،ومطلوب منهم الصبر والإستمرار في العلاج،اي علاج هذا والذي سيستمر ربما مدى الحياة؟؟

GHARAM يقول...

Desert cat


حبيبتي


لم اقل أنهم مرضى،لكنني نقلت ماقيل وعلى لسان الطبيب النفسي

الحقيقة إنني ورغم أنه لم يمر في حياتي إلا ربما واحدة فقط وصلتي بها لا تتجاوز المعرفة السطحية إلا إنني أعلم جيدا أنهن صاحبات حس فني وأدبي رائع بل ومنهن متميزات جدا



وأعلمي ياعزيزتي إنني لم آخذ في حياتي أية مواقف عدائية تجاههم خاصة النساء، بل على العكس أرى أن بعضهن في غاية الأدب واللطف والثقافة أيضا،ومعظم من قرأت لهن شعرت بأنهن عاطفيات لدرجة كبيرة، ويمتلكن رقة في المشاعر

إلا أنني أرى في طرح هذا النوع من الموضوعات للنقاش (أتمنى أن تشاركنا فيه المثليات)، حتى نقترب أكثر منهن ولا نلق التهم جزافا دون أن نعرف حقيقة الأمر


صدقيني أن لو كانت لي صديقات مثليات،وعرفتهن عن قرب ربما كنت أول الناس نقلا لمشاعرهن الحقيقية ومايدور في اعماقهن بصراحة، فأنا لا اشعر ابدا بضيق او نفور تجاههن كما يفعل الناس



وأنت ربما تعلمين إنني عندما بدأت التدوين في مدونتي الأولى حاصرتني أتهامات المدونين والمعلقين بإنني مثلية،أو رجل بشنب اتلاعب بزوار مدونتي ولم أسلم من شتائهم وبذاءاتهم

لقد خلقنا الله سبحانة وتعالى وهو أعلم بنا وأعلم بالضعف الإنساني وانا إنسان من مخلوقات الله وأقل كثيرا من أطلق احكامي على البشر

فكرة من الزمن ده يقول...

ههههههههه
معلش ياغرام
متوقعتش انك موجودة وهاتشوفي تعليقي الاول قبل ما اجي واقرا البوست واعلق عليه
بس قلت شكلي كده التعليق الاول
فقلت حد يلاقي التعليق الاول عند غرام ومايلحقش
وبالمرة اقولك وحشاني والله

بس للاسف نمت
وانشلت اليوم كله



نيجي بقى للبوست
تسلم ايدك بجد

يغتبر بحث مصغر وموضوعي

حقيقي نظرة المجتمع ككل للفئة دي سواء كانت بنت او ولد بتكون اشمئزاز معلن
اونفور
وده لان بيبقى المجتمع شايف ان الشخص ده
ماشي في الطريق العكسي عن عمد وبتفاخر
واللي بيدل على كده تصرفات بعضهم المستفزة
لان كلمة البوية عادة تطلق على البنت المسترجلة كنوع من الموضة او الاتباع الاعمى لصرعات مختلفة
زي قصات الشعر ولبس القمصان والكرافتات

والمشي بطرقة معينة بيعتبروها روشنة


اما النوع الاخر اللي بيكون عنده خلل جيني او اضطراب هرموني فاكيد الكلام عليه بيختلف

وللاسف كتير منهم بيدعي انه مريض بيولوجيا وحالته معقدة علشان يهرب من انتقاد المجتمع وبعد البحث يكتشف الامر انه ادعاء لتغطية تصرفات مشبوهة

معلش طولت عليكي
لان موضوعك مهم
تحياتي يا اجدع غرام

أحمد عاطف يقول...

انا شوفت فعلا بنات بالشكل دا

اسلوبك في العرض متميز

بالنسبة للمسترجلات او البويه ملخصهم

اما اضطراب نفسي

او رغبة جنسية مثلية كما يطلق عليها في علم النفس

او اضطراب في الجينات

وفي فترة ظهورة في الفترة الاخيرة تعود اسبابه للسببين الاول والثالث

تحياتي لثقافتك

مثلية أردنية يقول...

كل واحد يعيش زي ما هو حاسس .. حدد هويتك وعيش .. ليش نتصنع ونتسلى ونخلي ميولنا مختلفة عن إحساسنا الداخلي الحقيقي ؟

هاد بالنسبة للمسترجلات اللي بتسلوا وماخدين الموضوع لعب ..
اما المثليين .. فهاد الشي مش بالإيد .. غصب عنا يا حلو

GHARAM يقول...

فكرة من الزمن ده

الشاعرة الفنانه


انا عايزه اسألك لك دواوين شعريةظ


غذا لم تكن لك دواينا شعرية فعليك بالتفكير جيدا في الأمر




ولازم تعملي ديوان

GHARAM يقول...

أحمد عاطف

اهلا بك ياعاطف أعتقد أنها المرة الولى التي تزور فيها مدونتي

أرجو أن تستمر لنستفيد بالتحاور معك

GHARAM يقول...

مثلية أردنية



أهلا يامثلية أردنية،وغعلا وكما يقول المثل أنت حر ما لم تضر، لذلك أتمنى أن نتناقش في هذا الموضوع وأنت تطرحي وجهة نظرك، وتفسري لنا بعض علمات الإستفهام التي تدور حول ماهية المثلية



تحياتي

Tarkieb يقول...

انا اول ما قريت العنوان قلت بوية ايه دي اللي مسترجلة وبعدين اكتشفت انك قاصدة الستات الدكر يعني بلغتنا العامية.. شوفي يا ست غرام كله ح يخش وراح يقولك كلام جميل وشوية ادعية وربنا يستر علينا والكلام ده واحتمال يكون في ناس بتقول كدة ومش مقتنعة بالكلام ده اصلا .. زي ما بتقولي لواحد ازيك وانت متأكدة انه ح يقولك الحمد لله .. انا بصراحة مش شايف اي مشكلة اذا كانت واحدة ست دكر او واحد ناقصه شوية خشونة.. المهم يكون شايف شغله وخلاص.. الفرق بينا وبين الغرب اننا بنحاول نثبت ان ده مرض مع ان اسبابه حاجات كبيرة اوووي ولها اسباب كتيرة مثل الكبت وعدم الاختلاط بين الجنسين او حاجة اجتماعية .. شوفي يا ستي في الغرب بيكون الواحد شاذ بمذاجه اما عندنا فافي ناس تم الاعتداء عليها من اهلها او اصحابها وهلم جرة.. اما الاسترجال فده ممكن يكون رد فعل ضد مجتمع ذكوري... افتكر مرة لما الفنان سمير صبري جه يفتتح سينما حلوان وقفت السينما كلها في نفس واحد وقالت الشاذ أهو (طبعا مش كدة بس اكيد فاهمة قالو ايه) الجميل في الحكاية ان معظم شواذ السينما وعلى رأسهم الواد زوزوة كانو الاعلى صوتا لنفي التهمة عن نفسهم .. يا جميل لما عمدة برين وقف في الحملة الانتخابية وقال انه شاذ الناس انتخبته عشان صادق تفتكري لو كان مرشح في مصر كان قال كدة كانت الصعايدة جات طخت برلين بحالها.... احنا مش بنحترم الشخص العادي ح تحترم الشاذ ..مشي حالك ياست غرام ويا بوية استرجلى واوعى تستندلى

Desert cat يقول...

يا قلبى والله العظيم انا فاهمه وجهة نظرك كويس وعارفه مين غرام ورجاحة عقلها وروحها الطيبة الجميلة انا بس حبيت اوضح انهم فعلا مش علشان هما مختلفين فى حاجه يبقى مش من حقهم الحياة
حبيبتى انا عندى صديقات مثليات وخرجت معاهم واتكلمت معاهم واكلت معاهم مش قادرة اوصف لك يعنى ايه ناس بتقدر مشاعر بعضها وبتحترم بعضها مش قادرة اوصف لك يعنى ايه ناس مثقفين وواعين لكل اللى بيدور حواليهم واذكياء جدا
بمعنى انى لاقيت فيهم صفات طيبة جدا اما موضوع ميولهم الجنسية فدى حاجه تخصهم لوحدهم زى مثلا لما اكون قاعدة مع زوجى ونتخانق او نعيش لحظات حب دى برضه حاجه تخصنا
ده كان المقصود من كلامى والله

تحياتى ليكى يا جميله

GHARAM يقول...

Hesham


أكيد مبسوط النهارده مرتضى لم يفز


وربنا يجيب الخير ويقوم الزمالك من كبوته على يد الإداره الجديدة

تحياتي

GHARAM يقول...

Tarkieb

برغم أني موش بأطيق سمير صبري موش علشان هو تربيت تيت تيت لا والله حاجه كده في الكيميا بتاعتي

بس لازم نعترف وهو طبعا قد ابويا في السن ====كان ربما المذيع الأوحد في مصر اللي بيعرف 7 لغات، واول واحد عمل برامج منوعات جديده ومتطوره في التلفزيون المصري ايام سلمى الشماع وفريده الزمر


وكمان كان ممثل ومغني

يعني فنان


وأكيد عنده مواهب كثيره


بس مالناش دعوه هو أيه والا بيصنفوه أزاي؟

===========
كلام مقتبس

الجميل في الحكاية ان معظم شواذ السينما وعلى رأسهم الواد زوزوة كانو الاعلى صوتا لنفي التهمة عن نفسهم ..



بصراحه أنا اعرف بعض أسماء ، لكن موش عارفه مين الواد زوزة ده الله يسترك قول لي عليك لحسن أكون موش عارفاه؟

================
أما الغرب وعمدة برلين وغعترافه انه شاذ

الناس هناك محترمه ومالهومش ميت وش زينا


علشان كده بيحترموا الصادق


لكن أحنا ==الصادق بيحاربوه ويكدبوه

GHARAM يقول...

Desert cat


اكيد انت حاتفهميني صح


وياقمر احنا شعوب أعتادت النفاق والكذب



ياريت بس نحترم أدمية بعضنا،ونترك الخلق للخالق

kochia يقول...

موضوع جميل ومتوازن

والحقيقة موضوع المثليين او الشواذ جنسيا هو موضوع فعلا محتاج مناقشة موضوعية

وانا اري فعلا ان الامر انتشر مش بس المثليين بالفطرة كما يسمون ولكن من يقررون اعتناق زي وعقل وتصرفات الرجل وهم اناث و من يعتنق عقل وتصرف المراة وهم رجال .. فهناك فرق بينهم

والامر هو مشكلة فعلا في مجتمعنا العربي والاسلامي لعدم تقبل المجتمع لهذه الفئة .. وبما انه مشكلة فهو ايضا يحتاج لوقفة تربوية ودينية وعلاجية طبيعة كذلك ..

والمقال اعجبني بشكل عام لكنته الموضوعية وشموله

تحياتي

micheal يقول...

موضوع شيق وطرح وافي وشامل
أنا برضه بتمني أن الناس متبصلوش علي أنه مرض لأن ده حيساعد صاحب هذا التوجه في العودة إلي الوضع الطبيعي لاحقا بس انا عندي استفسار
هل ممكن واحدة تكون بوية وفي نفس الوقت توجهه الجنسي بيكون نحو الرجل؟
تحياتي يا غرام لموضوعاتك المميزة

momken يقول...

موضوع شيق...زمليان معلومات يمكن اول مره اعرفها

لكن للاسف محدش مؤمن بيها

لان المثلين والمثليات مؤمنين انهم مش مرضى ولا عندهم حالات نفسيه بدليل نجحهم فى اعمالهم وحياتهم

ومش بيعتبروا ميلهم لنفس الجنس هو ميل جنسى فقط

يعنى وحده مره قالتلى انها مش بتفكر فى صحبتها جنسيا خالص الا اوقات بسيطه جداً هى بس بتحب تكون معاها يتكلموا ويعيشوا سوا ويكونوا مخلصين لبعض

لكن النقطه الصعبه انها بتغير عليها جدا جدا جداً

مكنش منى الا قولتلها لو مافيش جنس
( سحاق) خالص تدخلوا الجنه لان العلاقه دى هى اصل العلاقات فى الصداقه وتكونوا متحابين فى الله

قالتلى انا متاكده ان ربنا فاهم وبرضو هندخل الجنه

وعلى فكره هى وصحبتها مصريات وناجحين جداً لكن باقى صحبتنا بيخافو منهم

المشكله هى نظره المجتمع للشخص المثلى سواء بويه او راجل مخنس او سورى ناعم اوى

الحكايه بتلزق فيهم جداً ومستحيل تفارقهم ابداً
وبتجلب لهم العار دائماً
وطبعا سخريه وهمز ولمز الاخرين والاخريات

موضوعك يعتبر ثقافه جديده نريد جميعا تعميمها لنتخلص من مركبات النقص الى تسيطر على اغلبنا سواء مثلين ومثليات او متغيرين


امتعتينا جدا

تحياتى

mahasen saber يقول...

برافو عليكى يا غرام مواضيعك كلها مفيده وقويه

بس المثليه لو انا هاخد الجزء ده من البوست واتكلم عنها انتشرت فى جتماعتنا العربيه زى ما ملاحظيين على النت حتى فى المدونات واعلانهم ده صراحتا
فبتالى مينفعش نرجمهم وننبذهم اعتقد ان اسلوب العلاج الاوربى معاهم هيفيد
هيصحح شر اتجهوا لسولك خطأ
وهيفيد المجتمع بصوره ايجابيه

يعنىلو حتى العلاج طويل الامد ليه لا احسن من بلاش خالص

ولاا ايه

بحييكى على مواضيعك المهمه

methleya يقول...

الصديقه العزيزة غرام

انا عارفه كويس ان ده مقال و مش كلامك انتي ورأيي المحايد جدا هو انه لابد من احترام الآخر مادام الآخر شخص محترم

كوني اخترت اني اكون مثليه وده شيئ بجد فيه نفسي من غير ما اجبر احد انه يكون زيي او اتحرش بمغايرة مثلا فأعتقد انه حقي و كون ان الناس مش عاجبها ده او شايفينه ظاهرة و موده و معرفش ايه دي وجهة نظرهم طبعا فيه ناس كتير بتسيئ لشكل المثليه وهم الباي سكشوال اللي بيسعوا وراء شهوتهم الجنسية فحسب والبويه دول اللي بتتكلمي عنهم دول اعتقد والله اعلم انهم اكثرهم عنده مشكله نفسية لتشبهه بالرجل والمشكله لا تمت للمثليه بشئ لأنه المرأة اللي متقدرش تحب راجل متتشبهش بيه ببساطه

يعني انا بحب احساسي اني امرأة بس ده لا يتناقض مع كوني مثليه و لا يوجد اي احاسيس بيني و بين الرجل غير احاسيس اخ او صديق او اب انا بقى بقيت مثليه ليه فده ممكن يكون شيئ فالجينات او نتيجه اشياء اخرى لن اتطرق اليها والنتيجه ان انا مرتاحه بكوني مثليه و ياريت الناس تفهم ده وتفهم ان الكبت الداخلي عشان الناس مبتحبش تواجه او تشوفنا ظلم بشري ليه اكبت جوايا و اطلع شخصيه مكلكعه و ممكن يؤدي بيا الامر لأشياء كتير منهاالانتحار لرفضي لحياتي وده حصل مع ناس كتير
التقرب لله ده شيئ لا يخلط بالهويه لأن المثلي فيه منه المؤمن و منه الملحد زيه زي المغاير
وحساب ربنا ليا له مقاييس سبحانه وحده اللي يقدر يحكم فيها وعشان اوضح اكتر اقدر اقول ان اللي بيسعى وراء شهوتة زي قوم لوط هما اللي ربنا عاقبهم لممارستهم الجنس مع مثلهم لغرض الجنس (الجنس) في حين انهم يقدروا يمارسوه مع نساء لكن الموضوع مكنش مثليه كان مجرد شذوذ جنسي لا يمت للمشاعر و الاحاسيس بصلة
كل واحد عامل فيها شيخ وفاهم ان ربنا هيعذبنا و يعمل فينا و يسوي بقوله اتقي الله و لا تتقول عليه مادام انت مش عارف الشخص ده ولا عارف ازاي بيتعذب (وما ربك بظلام للعبيد)
يعني اللي بيننا و بين الله سيبوه لله واللي اتأذى من شاذ لتحرشه اقوله بهدله و بهدل ابوه واللي مايعرفش يعني ايه مثليه ياريت ممايلزقلناش جرائم و كفر و غيره
لا تعتدي على حرية الآخرين واعلم ان الله عادل

شكرا لك يا غرام على البوست لاتاحه الفرصه لي ان اعبر عن رأيي و ايضا اتمنى انك تشوفي البلوج و تتفرجي على كليب انا مثلي مثلك انتي و كل الاخوة و الاخوات اللي علقوا

تحياتي لشخصك

مثلية وجدت ذاتها يقول...

عفوا

التعليق السابق باسم مثليه هو لي انا وقد جئت ثانيا لأؤكد رغبتي في رؤيتكم لكيب انا مثلي مثلك و تشريفكم الدائم لمدونتي و قراءة ما به من مقالات تخص موضوع البوست

تحياتي مرة اخرى يا غرام

Jannah يقول...

لا حول و لا قوة الا بالله
يا مثلية وجدت ذاتها لا تلوي أعناق الايات حتى تعطيك المعنى الذي تريدين
أصبح الشذوذ مقبول اذا كان بين الطرفين مشاعر أما اذا كان جنس للجنس فهذا هو الحرام و هذا ما أغضب الله سبحانه و تعالى على قوم لوط؟!!!!

يقول الله عز وجل

" أتأتون الذكران من العالمين، وتذرون ما خلق لكم ربكم من أزواجكم بل أنتم قوم عادون" (الشعراء: 165، 166)

" و لوطا إذا قال لقومه أتآتون الفاحشة ما سبقكم بها أحد من العالمين, إنكم لتاتون الرجال شهوة من دون النساء بل أنتم قوم مسرفون " الأعراف 80 و 81

" و لوطا إذا قال لقومه , إنكم لتأتون الفاحشة ما سبقكم بها أحد من العالمين,إنكم لتاتون الرجال و تقطعون السبيل و تأتون فى ناديكم المنكر " العنكبوت 28و29

" وجاء أهل المدينة يستبشرون قال إن هؤلاء ضيفي فلا تفضحون واتقوا الله ولا تخزون قالوا أولم ننهك عن العالمين قال هؤلاء بناتي إن كنتم فاعلين لعمرك إنهم لفي سكرتهم يعمهون "

هذاما يحضرني فقط بعد ما قريت كلامك و لو كنت متفرغة كنت وضحت لك أكثر
و أظن واضح جدا تاتون الفاحشة ما سبقكم بها أحد من العالمين
وتأتون الذكران من العالمين و تذرون ما خلق لكم ربكم من أزواجكم

لا أدري أين الجنس بدون مشاعر هنا؟

اقري و افهمي صح ما تحاوليش تثبتي شيء غير حقيقي لأنه يوافق هواك

الحياة مليئة بالمجرمين و المفسدين على مدى التاريخ و لكن الله العفو الكريم الحليم غضب و أباد القوم كلهم و معاهم زوجة سيدنا لوط لأنها كانت تشجع على هذا المنكر

أكيد مو لأنهم يمارسون الجنس بدون مشاعر
!!!!!!!!!!!!!!!!
الدين واضح هنا يا المثلية
راجعي نفسك
اقعدي مع نفسك و فكري مادامك انسانة مؤمنة و عارفة الله اعملي خطوة و انوي تخرجي نفسك من اللي انت فيه و الله سبحانه و تعالى الكريم بيساعدك أكيد و بياخد بيدك
ربنا من تقرب منه شبرا يتقرب منه ذراعا
خلك من الناس اللي قاعدين يغرقونك سواء بالتشجيع أو الصمت و خلك من الأجانب اللي ضايعين ضايعين
الله أنعم عليك بالاسلام غيرك يعبدون البقر ومو فاهمين و أنعم عليك نعم مالها أول و لا اخر في الأخير تتجرئين و تغضيبينه أول بممارسة الشذوذ و ثاني بالعبث بالقرآن
الشذوذ هو اختيارك مافيها شي انك تروحي لطبيب و تبحثوا مع بعض عن متى ركبك هذا الانحراف و تحاولو تحلو المشكلة بصبر ووعي و ايمان
أما انك تغضبي رب العالمين و تمشي وراء المفسدين المخربين اللي قاعدين يعبثوا بالقرآن و النصوص المقدسة حتى تعطيهم مايوافق هواهم فهذا الخسران الكبير

الحياة مهما طالت بتنتهي نستمتع بالأكل و الشرب و الجنس على اي طريقة شئت و الفلوس و لكن في الأخير بتروحين عند الله و بيحاسبك و هناك دار البقاء اختاري مع من تريدين أن تبقي مع الصالحين و الأنبياء و الأتقياء الأنقياء و لا مع المفسدين و الفاسدين

أنا نصحتك كأخت مسلمة
لقيت كلامك هذا هنا و قلت أخلي ذمتي قدام رب العالمين
فكري فيه و لا ترميه ورا ظهرك

ربنا ياخد بيدك

والسلام

مثلية وجدت ذاتها يقول...

بعتذر يا غرام

انا بس هرد على جنه

يا أخت جنه لو حضرتك راجعتي الآيات كويس هتعرفي علىطول ان للي قولته صح و صح جدا و لو حضرتك مش مقتنعه مش هلوم عليكي دي وجهة نظرك ولكن كل الآيات اللي جبتيها ياريت ترجعي للتفسير فيها
( أتأتون الذكران من العالمين)
(و لوطا إذا قال لقومه أتآتون الفاحشة ما سبقكم بها أحد من العالمين )
الاتيان هنا بمعنى ايه حضرتك؟؟؟ياريت ترجعي للتفسير

(وجاء أهل المدينة يستبشرون قال إن هؤلاء ضيفي فلا تفضحون واتقوا الله ولا تخزون قالوا أولم ننهك عن العالمين قال هؤلاء بناتي إن كنتم فاعلين لعمرك إنهم لفي سكرتهم يعمهون )
يعني قاعدين لشاهوتهم مجرد ما جم رسل من السما و شافوهم عايزنهم

لو حضرتكم مش عاجبك الكلام تقدري تبحثي عن تفسيره

هل فيه اي سوره او ايه او نص قال ان فلان احب فلان؟
اكيد لأ لأن الله بيحاسبنا على ما نملك وما لا نملك هو ماجبناش الارض عشان يعذبنا بيه و اللي مجربش و ماحسش مايقدرش يفهم
وبرغم اني عارفه ان المثال اللي هجيبه هيضايقك و هيضايق الكثيرين وهو بعيد عن الموضوع لكن معلش استحمليني

الرسول (ص) كان بيدعى الله لتفضيله و حبه لعائشه عن باقي نسائه برغم انه كان بيعدل الا ان الحب للأسف مش بايده ولا بايد بشر فكان بيقول (اللهم لا تؤاخذني فيما لا املك)
اتمنى ان حضرتك تفكري كويس قبل ما تردي لأني انسان وانت برضه انسان
تحياتي