الجمعة، مارس 06، 2009

فياجرا البيض الممشش


كشفت دراسة جديدة نشرت نتائجها أن رائحة البيض الفاسد لها نفس التأثير الجنسي الذي تحمله الفياجرا بالنسبة للرجال، وأفادت صحيفة «صن» البريطانية الشعبية بأن الرائحة التي تنبعث من البيض الفاسد تحمل في خصائصها غاز كبريتات الهيدروجين الذي له دور فعال في الانتصاب.


وأوضحت الدراسة أن غاز كبريتات الهيدروجين يعمل على استرخاء بعض الخلايا العضلية ويعزز من تدفق الدم ويساعد على الانتصاب بطريقة أفضل، وأشارت الصحيفة إلى أن الاكتشاف الجديد قد يساعد الأطباء في تطوير نوعيات أفضل من عقار الفياجرا الجنسي الذي لا ينجح في الوقت الحالي إلا مع ثلثي الرجال فقط.



يعني من الآخر ، على المرأة المصرية أن تعيد النظر في( نظرية الجرجير) ، وان تتجه بكل قوتها الى ملء كل مكان في بيتها بالبيض الفاسد،وأن تضرب عرض الحائط بالمثل القائل(إذا عرفت المرأة فوائد الجرجير لزرعته تحت السرير)،وعليها الآن أن تقوم بتربية عشة فراخ بأكملها تحت السرير ، وبالمره مافيش مانع تخلي كذا فرخه يرقدوا على البيض، وتضرب عصفورين بحجر، البيض الكويس حايفرخ لها كتاكيت، والبيض البايظ حايشمه الزوج ويستمتع بشمه،وسيتحول بقدرة القادر الى شمشون الجبار ولا حاجة له الى عقار الفياجرا،فالبيض الممشش حايخلية سبع السباع المفترس ويخليه ماشي نافش ريشه على طول ومحدش قادر يوقف قصاده، ومقضيها وجبات زوجيه للصبح



وبصراحه حكاية تأثير ريحة البيض الفاسد وتأثيره السحري على الرجولة ، جعلني اتبني مقولة جدتي رحمها الله(أن الراجل ده زي الكلب يجري ياكل اي لقمه حتى لو كانت متعاصه ====)،وده مثل كانت دائما تدلل به على دناءة الرجال وسعيهم وراء النساء دون هدف الا وهو النيل من أجسادهن، وبأنهم مابيوفروش أية أمرأة تقع في طريقهم، وكفايه أن الدراسه اثبتت أن رائحة البيض الفاسد سببا في قوتهم الجنسيه،وأن مفعولها عليهم- تماما كمفعول الفياجرا،وله في ذلك حكم




وفي النهاية أقول

على الرجال أن يسعدوا برائحة البيض الممشش وعلى النساء ان تسعد بالليالي الهنية
وماتستعجبوش لما تلاقوا الستات والرجاله واقفين طوابير على محلات البيض علشان ينولهم من الحب جانب
وساعتها حاترتفع اسعار البيض الممشش
ويبقى يسعده يهناه اللي يقدر يلاقى بيضه ممششه
=============
تحديث
=====
المدون العزيز (afew good men )أعتقد أني ضاربه البيض في الخلاط
========
وحتى لا يعتقد البعض أني مفبركه الدراسه ، دول موقعين صغيرين كده على الماشي
========
=========
==========
تحديث 2
بعض المدونين من الرجال تضايقوا من مثل جدتي
ولهم اقول محدش يزعل ده مثل قديم بيطلق فقط على الرجال أصحاب النفس الدنيئه وهذا لايمنع وجود رجال محترمين بجد ، وهؤلاء على رأسي وأعتذر لهم

هناك 50 تعليقًا:

غير معرف يقول...

ان شاءالله ما قامت ليهم قومه لو ديه الطريقه وبعدين هو لو الواحد شم الريحه دى هيجيله نفس يعمل اى حاجه

حرام عليكى

حياتى هتستمر يقول...

مساء الخير

موضوعك جميل ليا صديقة دكتورة نساء بتحكى ان كم غير عادى من السيدات بدات تاتى الى العيادة للشكوى من ضعف الرجال جنسيا فصراحة جميل حكاية البيض هقولها تشور عليهم بعلاج البيض

بس عايزة اقول على شئ ان ضعف الرجال جنسيا ومبقوش اسود وكذلك بعد النساء عن الجنس اعتقد ان سببة الروتين فى العلاقة الجنسية مش ضعف وتانى شئ التفكير والحياة الا بتستنزف من قدرة النساء والرجال يعنى تجيبى بيض تجيبى جرجير والله مهم نفعين الرجالة بقت بق وبس وجريهم ورا الستات لاثبات انهم اسود بس ساعة التجربة هتلقى ارنب

تحياتى لك

عاشقة حبيبتى يقول...

عزيزتى غرام

الرجالة بقت زى قلتها هما مش اكتر من مناظر وضل حيطة احسن من ضل راجل وفعلا كل الرجالة زى الكلاب ترملهم لقمة يفضلوا يجروا وراها

انا شايفة ان الرجولة انتهت فى هذا الزمان اصبحت الرجولة عبارة عن فتوة امام الناس اما فى البيت هتجيبى بيض هتجيبى جرجير هتجيبى فيجارا ولا هتعمل فيهم شئ

تحياتى

غير معرف يقول...

اسلوبك بيئة اوى على فكره مع احترامى

غير معرف يقول...

عادة مش بعلق علي المدونات التي تمكن خاصية الاشراف علي التعليقات
=============================
بس أنا في الأول عايز أقول الدراسة دي حقيقية ولا انتي بتضربي كرسي في الكلب

ثانيا انا مشعارف ليه مضطهدة الرجالة ومعتبراهم ماشيين في الشارع يدورو علي الستات في صناديق الزبالة مشفاهم ليه



اما بصراحة البوست عجبني وخصوصا نظرية الجرجير

ولي توضيح ممكن الست ترقد علي البيض لحد ما السبع يجي اهي شغلانة يعني بدل القاعدة المملة في البيت

بس بنصح بلاش الكتاكيت خوفا من الاصابة بانفلوانزا الطيور وخصوصا الانفلوننزا بتأثر علي الاعصاب وممكن الراجل لا تنفع معاه فياجرا ولا بيض ممشش

كان نفسي اضرب عصفورين بحجر واعرف نتيجة النظرية بس للاسف عازب

ياريت لو حد جرب موضوع البيض يكتبلنا بوست من واقع التجربة

تحياتي

غير معرف يقول...

واضح ان الستات عندها مشكلة عويصة مع الرجالة

بس ياريت كل واحدة تبص لنفسها في المراية وحتعرف الراجل مالوش نفس ليه

ولا تشوف نفسها بتتكلم ازاي

بلاش اتهام علي الفاضي وبس الرجالة تمام بس يمكن دي شوطة اطلعوا الصحراء وحتبقوا تمام

غير معرف يقول...

شكرا علي التحديث

وعموما البيض كدا بقي مبسطر ولا ايه

وشكرا علي المواقع انا عموما احيانا اسخر لان العلاقة بين الرجل والمرأة مش محتاجة لا بيض ولا فياجرا

محتاجة حبة حب وحبة رومانسية

والباقي كلو مالوش لازمة عموما شكرا لردك وتحياتي

allfollowsome يقول...

علم بقى هنقول ايه

هو علم ريحته ...... بس علم وعلممفيد كمان

فكرة من الزمن ده يقول...

في حوار مع صديقة ايام الجامعة سالتنا لو حبيتي وحبيبك قسموه نصين تحتاري اي نص؟
جاوبت وبدون تفكير النص فيه دماغ يفهمني ويبهرني وعيون تشوفني واقدر اقراهم وكتف انام عليه وايدين تضمني وتدفيني
اما البيض الممش والروايح الكريهة فدي مافيش فيها اي رومانسية
اما بالنسبة لكلامك عن الرجالة فممكن يكون صح بس تعميم الكلام يفقده المصداقية
حلو موضوعك تحياتي

momken يقول...

يع بيض ميمشش بناقص ياستى....دى حاجه وحشه اوى

ونفرض بقى الراجل جاله عثيان ؟
يجروا لاتنين على الحمام زى الحوامل....وبدل ما تبقى ليله حمرا تيبقى الوان تانيه خالص

البوست جميل...بس انتى نسيتى حاجه مهمه جداً

وهى ان الاصل ان الراجل ميكونش محتاج حاجه من زى...ولا يشم بيض ولا يبلبع فياجرا...ومع ذلك يستطيع امتاع زوجته والاستمتاع بها

اعتقد الى بياخد اى حاجه هو شخص مريض وده بمسابه العلاج

بوستاتك دايما بتعجبنى واسلوبك جميل ودمك زى السكر

تحياتى

Empress appy يقول...

قريت البتاعه دي وحازم كان كاتب عنها
وانقرفت بصراحه يا ستى بلاها رجوله اللى هتبقى ريحتها وحشه دي

إيمان قنديل يقول...

اسامه عبدالعال

عندك حقك يا أسامه حاجه تقرف، أنا بيتهيألي أن الدراسه دي عاملها تجار بيحاولوا يروجوا للبيض المممشش



حياتى هتستمر


بصي أنا دايما اقول أن اللي بيجري ورا الستات بشكل ملحوظ وكتير دا رجل بيعاني من مشاكل في الجنس


وعلى رأيك ساعة التجربه بيبقى أرنب



عاشقة حبيبتى

بصي الفالح فالح من غير جرجير ولا فياجرا سيبك أنتي



غير معرف

أيه التناقض ده أسلوبي بيئه قوي مع أحترامك أزاي يعني؟


ماهو يابيئه ولا أستاهل الإحترام


يا أحترام لأني بأكتب بأسلوب جريء ولاذع وبيجي على الجرح، واللي على رأسه بطحه بيحسس عليها





afew good men

أنا حدثت البوست علشان خاطرك وفعلا المفروض تكون المعلومه منسوبه لمصدرها علشان القاريء يتأكد



أما حكايه الستات يبصوا لنفسهم، خلتني قررت أعمل لك بوست عن الرجال برضه لازم يهتموا بنفسهم ونظافتهم وكل حاجه لأن الدين لم يطلب من المرأة فقط التزين لزوجها بل طالبه هو أيضا بالتزين لزوجته والتزين هنا موش معناه يحط مكياج ، لكن يهتم بنظافته، ويحلق دقنه ويلبس حلو ويحط له شوية برفيوم (كلونيا يعني) وتحياتي


فكره من الزمن ده


كلامك جميل ورمانسي ، بس انا لو خيروني حا أقول عايزاه كله على بعضه ماينفعش اخد نص أنسان ربنا خلق فيه المشاعر والغريزه برضه، لأنهم بيكملوا بعض وماينفعش نعيش على حاجه واحده بس


momken

فيه ناس بتاخد الفياجرا طفاسه


Appy

فعلا الرجوله دي صفة نادره اليومين دول ، والرجولة لاتعني فقط القدرة الجنسيه ولكنها تحمل معاني كثيره قوووووووووووووووووووووووي ياريت رجاله اليومين دول يعرفوها بجد

Tarkieb يقول...

افتكر مرة زمان لما الست سجاح عزمت مسيلمة دخلته خيمة مليانة مسك وعنبر وساعتها اتحد الاتنين مع بعض وقالو زواج القمة زي السعد والريان وكانت بداية النهاية....نحمد ربنا ان سجاح ماحطتش بيض فاسد كانت الجزيرة العربية احتلها نسلهم الغزير وكانت حروب الردة طالت....بس انا افتكر يا غرام لما كنا بنحضر غاز كبرتيد الهيدرجين كانت ريحته تفضل في مناخيري بالشهر وكنا بنعتزل معاكسة البنات في الوقت ده لان اجدع بنت مهما كانت حلوة برضة كانت ريحتها في مناخيري بيض فاسد....وده عكس نظريتك ياستي ولو كانت صح كان حصل في حارتنا موجات تحرش لان معظم البنات فيها مش بيستحموا اصلا وريحتهم تقوم الميت

akeed يقول...

بوست رائع ومدونة رائعة

أكيــــــــــــــــد

صفــــاء يقول...

.
فيه رجاله تحبب الست فى الدنيا
وفيه رجاله أوسخ من الكلاب
تكرهها فنفسها وببيض او من غير

LORD.M.M يقول...

تحياتي

قد ترغبين في قراءة الرابط

http://www.mohammad-online.com/mohammad/?p=364

http://www.atalah.iblogger.org/?p=171

تحياتي

سمكه واحده يقول...

ياخرشتي يانا
المصرين اتحسدوا اتحسودا اه وربنا عين وصبتهم نعمل لهم زار ونرقيهم ميصحش كده هنسكت لحد امتي لحد ما يفقسوا كتاكيت
ونغني زي محمد سعد
كتكوت مكسور الجناح وضعيف
ده كان المصري معروف بقوته وجبروته
مش عارفه بس حاسه انها دراسه ممششه
ومش منطقيه والله اعلم كل حاجه جايزه في الزمن الاخبر ده
فين ايامك ياسي السيد ولا عنتره ولالا هيييييه ياله الحمد الله
الراجل من دول كان شنه يجف عليه الصجر
البت اختي بتسلم عليكي

فوبيا - سايكولاند يقول...

ايه البيض ده

..........................

طيب ممكن طريقه تمشيش البيض بعد اذن سيادتك بس اوعى تكون حكايه البيض ده تطلع فشنك
فيبوظ البيض
**************
بس على فكرة الرجاله زى الفل صحيح ومش محتاجين ولا بيض ولا فياجرا
وخلى السلاح صاحى
تحياتى

محمد عتلم يقول...

غرام .... ازيك
المواضيع مش مستاهله فياجرا او بيض ممشش او جرجير . الموضوع مستاهل كام خطوات بسيطه والحياه تبقى زى الفل
والخطوات دى هي :
*** اكل كويس - مش معناه لحوم واسماك عمال على بطال . معناه خضار وفاكهه كتير وكمية لحوم بسيطه مش غدا وعشا مثلا يعنى الخضار والفاكهه اكتر ونقلل الدهون والكوليسترول والمواد المضره بالصحه زى التدخين وتوابعه
*** نوم كويس - يعنى ننام بالليل زى ما ربنا قال ونصحى بالنهار نشوف الشمس . ولما الواحد ينام كويس اكيد هيصحى مرتاح جسمانيا وصحيا وبدنيا
*** شوية رياضه - انشالله شوية مشى فى المغرب او بالليل او الفجر ومش لازم كل يوم ممكن 3 مرات فى الاسبوع وده مش حاجه صعبه يعنى ممكن لو مشغولين اوى ومش فاضيين نتمشى ممكن نروح السوبر ماركت مشى او لو الشغل قريب نروح مره ولا مرتين مشى . اكيد هنلاقى طريقه ومانستعبطش
*** نفسيا نكون نوعا ما مستريحين شويه يعنى ميكونش الراجل عنده مشكله جامده فى اى حاجه وينطلب منه جنس . ده غير منطقى . ومش من المنطقى ان الست تكون معكننه على جوزها فى اى موضوع وتبقى عايزه جوزها يكون كويس معاها جنسيا .. طب ازاى اصلا يكون هوا زعلان منها ومدايق ومش مزبوط عاطفيا ويقربلها اصلا ؟؟
*** دور الزوجه - يعنى تكون الزوجه دايما حلوه شكلا وموضوعا .
لو الراجل مش بيحب مراته وبيحترمها -وطبعا الاحترام اهم - اكيد مش هيكون ليه نفس ييجى جنبها اصلا .
شوية خطوات بسيطه المفروض نعملها اصلا عشان حياتنا الشخصيه والصحيه تكون كويسه
اكتر الناس بيعمل العكس
جهاز هضمى بايظ من الاكل الغلط والسمنه والزيوت المحروقه و و و و
جهاز عضلى بايظ من قلة الحركه
جهاز تنفسى بايظ من التلوث والسجاير والشيشه والمخدرات من الاخر
جهاز عصبى بايظ من حرقة الدم اللى فى الشغل والبيت والشارع والغلاء والسرقه والنصب والجشع واكل العيش
جهاز نفسى بايظ من الحياه والناس والهموم والمشاكل
حتى جهاز العروسين دايما بيكون بايظ علشان ردىء الصنع وساكند هاند وكل الصناعات فى مصر درجه تالته
العربيه ال128 ب 22000 جنيه ليه ؟؟
مع ان المبلغ ده فى بعض الدول بيجيب شبح محترمه
عايزه بعد المشاكل دى والاجهزه البايظه دى يكون الراجل كويس جنسيا ؟؟ طب ازاى
الموضوع اكتريته نفسى
يعنى خلى جوزك مستريح فى بيته تاخدى عينيه الاتنين . يعنى متكونش الحياه ومشاكلها برا البيت وتيجى الزوجه تكمل عليه جوا البيت وتيجو فى الاخر تطلعو الرجاله غلطانين
ولاحظو كمان انكو انتو لما تكونو متنرفزين شويه صغيره بس بتكونو مش عايزين تعملو حتى كباية شاى مبالك بأه لو الراجل طلب حاجه اكبر من كده ؟؟ ده عشان انتى زعلانين من حاجه صغيره
احنا بأه بنكون عندنا مشاكل جامده ممكن تودى فى داهيه ومع ذلك الحمد لله مش بنقصر الا فى الشديد القوى يبقى نشكر ولا لأ ؟؟

رئيس جمهوريه نفسى يقول...

العزيزة غرام
انا مش متجوز اصلا ولا بفكر حتى تاريخة انى اعملها فمش حقدر ادلى بدلولى فحسلم وامشى
وكلمة للى تجاوز في التعميم في تعليقاته التعميم نوع من انواع الجهل بينافي تماما الموضوعية

nouna يقول...

لما يكون البنى آدم مطحون شغل صبح وبعد الضهر علشان العيال وامهم ده لو كانت مش بتشتغل زيه وطالع عينها هى كمان تقولى جرجير وفياجرا حتى الممشش ايه يفيد يا عينى ومفيش راحة حسد ولا راحة بال
هى بس حاجة عالماشى اخطف واجرى

عروسة يقول...

دراسة جديدة اول مرة اسمع بيها كل يوم بيططلع جديد

أسوور يقول...

انا قريت نفس الخبر فى الجرنان واستغربت
وبعد ما استغربت
فكرت
طب ازاى اعرف استغل المعلومة دى لصالحى
؟؟؟؟؟؟؟؟؟

:)

تحياتى

harmless يقول...

بصراحة اول ما قريت مثل جدتك قلت ان عندها نظره عنصرية ضد الرجالة
وبعدين لما دققت لقيتها عندها نظره عنصرية ضد نص الستات كمان
لانها اكيد تقصد باللقمه اللى متعاصه (نقط) ستات برضو

ومن نظره تانيه قلت يمكن كلامها ده فى صالح الراجل
لانه معناه انه بيقدر المرأه وبيحترمها فى جميع الاحوال حتى لو متعاصه (نقط)
يعنى
اهو كل حاجه تتاخد بكذا معنى


اما عن موضوع البيض الممشش اللى بيجيب انتصاب ده موضوع غريب جدا
ياما حنشوف فى زمن العجائب ده

انا كان فكرى ان الموضوع ده بييجى
من ضحكه ماجنه
من نظره حالمه
من صدر نافر
من ساق قائم
من فخذ عار
من حضن ساخن
من قبله ملتهبه
من كلمه جريئه
من عطر مثير

لكن بيض ممشش؟
ايه ده؟
ايه الافتكاسات دى؟

اكيد فيه اكتشافات جديده فى الطريق عن مؤثرات الانتصاب القويه
بول مثلج
براز مجفف
كلب ميت من اسبوعين

بصراحه مادام الموضوع وصل لكده
انا رأيى اللى ينتصب ينتصب لوحده
واللى مش حينتصب عنه ما انتصب

سمكه واحده يقول...

كل سنه وانتي بخير وصحه انتي وكل الاسره الكريمه ديما بخير
يا احلي غراااااااام
اللهم صلي وسلم علي سيدنا محمد وعلي اله وصحبه وسلم
هاتي حته حلاوه بقي
ياسكر
اللهم ارزقنا حب رسول الله

Unknown يقول...

انا قريت الخبر في الاهرام يعني البيض بتاعك سليم مش مضروب في الخلاط ولا حاجه

المشكله مش في عملية الانتصاب نفسها المشكله في الجهل الجنسي المنتشر في مجتمعنا

غير معرف يقول...

عزيزتى غرام

أنا لاافهم الى الان من أين أتوا بهذه الدراسة ( اقصد جريدة صن )؟

لايمكن أى شئ تعافه النفس يؤدى الى اى نتيجة ايجابية .. فهناك الكثيرون ممن لايحبون حتى البيض المسلوق لرائحته فقط ..

وهذا الأمر بالذات يتطلب استعدادا من نوع خاص .. ونظافة كاملة وعطور وغير ذلك من الطرفين حتى يصير جميلا وليس اى شئ والسلام

فكيف مع تلك الرائحة التى ينفر منها كل المخلوقات ؟

تركت لك تعليقا على بوست سابق وآسف لتغيبى

فرعون يقول...

على مهلك علينا يا اخت غرام . مش كل الرجالة زى بعض ومش كلهم كلاب . فيهم برضو رجاله محترمة وتحترم زوجاتهم وتحترم العلاقة الجنسية ولا يتعاملون مع المراة كانها وعاء للجنس فقط .. ارجو ان تكونى منصفة وبالراحة علينا .وعلى فكر ل البيض ولا اى شئ تانى يستاهل ان الزوج يجعل من زوجته ملاذ لشهواته . واشكرك على هذا الموضوع

*SosSoOo* l'o'l يقول...

حكت لى اختى المدونة القديمة عن مدونتك

ولما زرتها لقيتها احسن مدونة دخلتها لحد دلوقتى

مواضيع حلوة وساخنة

هاستنى تيجى تشوفى مدونتى المتواضعة وتقولى رأيك

فشكووول يقول...

العزيزه غرام .. تحياتى

قولى لى انت بس اجيب البيض الممشش من اين وانا فريره اشتريه ...
عجبنى تعليق حياتى حتستمر وعاشقه حبيبى هما قالوا من الآخر .. بس احناالرجاله خايفين اليومين دول ان الحريم بتوعنا يرمونا فى الشارع وما نلاقيش حتى حته ننام فيها
انى اضحك ضحك متواصل ..وتحياتى

misha و lado يقول...

فعلا
بيض بيض بيض
BALLS BALLS BALLS

Desert cat يقول...

دى وصفة سهله دى وصفه هايله
بس ربنا يستر بقا على الرجالة والستات اللى رموا الهلب على موضوع البيض الممشش ده وانفلونزا الطيور مش تنتشر فى مصر اصل بين ليلة وضحاها يصحوا يلاقوا لا فى فراخ ولا بيض
اللى يقرا الدراسة دى وهوو محتاجها يبتهل كل اليوم الفجر ويدعو الله يحفظ مصر من انلفونزا الطيور ويعيش البض الممشش
:)))
تحياتى ليكى يا قمر

بس خلاص ... يقول...

دائما تثيرى الجدل بكتاباتك الجريئه

بجد بجد بتعجبينى ارفع لك القبعة اعجابا
وكمان عجبنى تعليقك عند شريف عن زكريات الطفولة شعرت انك تكتبين ما مر فى طفولتى باختلاف المكان فقط

كلام على بلاطة يقول...

عيد ميلادك عيدنا
عيد ميلادك عيـــــــــدنا والكل بيه فرحان
يا اغلى الغاليين يا احلا بشر وانســـــان
وجودك بيسعدنا يا من جاد به الزمـــــان
ويعطى لحياتنا طعم وريحة الفل والريحان
وصرت الاهم لنا ولا رمانه المــــــيزان
وبوكية ورد يغمر حياتنا بالحب والحنان
====================
عيد جوازك
====================
عيد جوازنا يا حبــــــــيبى عيد الاعياد
عشنا الحب حبة حبة وحـــــــبينا الولاد
اللى هيكملوا المسيرة ويصنعوا الامجاد
ونشوف نفسنا فيهم هدية رب العباد
وعيد سعيد يا حب عيد سعيد يا اولاد
نسعد فيه انفسنا واسرتنا والبلاد
وده طريق هنمشيه دون ارتداد
طريق الحب والخير
طريق الحب والاسعاد
فحافظ معايا على العطا والرضا والوداد

أسوور يقول...

حبيبتى غرام

يا بنتى دة حد مستقصدنى .. واحد بقى ولا واحدة

بيسيب التعليقات دى على البوستات اللى بتأيدنى عن الناس

كاتبه فى المدونة بتاعة حكايات فريدة

وعلى الفيس بوك حملتين .. واحدة معايا .. وواحدة ضدى

وفى حد كل يوم يدخل مدونتى ويسيب تعليق على البوستات القديمة والجديدة كلها .. التعليق عبارة عن لينك لموقع اباحى

غير معرف يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

إيمان قنديل يقول...

Tarkieb


فعلا عندك حق فالرائحة المنفرة تميت فينا كل المشاعر والأحاسيس

إيمان قنديل يقول...

akeed


أكيد الكلام ده يا أكيد؟


صفـــــاء

فعلا بس طيب فين الرجاله دي اللي بتحبب الست في الدنيا


بأفكر اعمل إعلان في الوسيط

مطلوب نوع منقرض من الرجال يستطيعون جعلنا نحب الدنيا



LORD.M.M

هو ممكن الرابط يعجبنا لو مكانش إعلان ، وعلقت الأول على البوست



سمكه واحده

سمكتي الجميله ، فعلا رجالنا أتحسدت ياختي القر وحش



phobia


تمشيش البيض دي عايزه طريقه كمان ؟؟؟

إيمان قنديل يقول...

محمد عتلم


الفنان المبدع عتلم


الموضوع كله بتلخص في كلمه من حرفين


حب



الحب يصنع المعجزات

إيمان قنديل يقول...

رئيس جمهوريه نفسى

موضوع البوست موش عايز حد متجوز


عايز حد يشم ويتخيل



nouna



يانونا ياحبيبة قلبي وصديقتي الجميله


صدقيني الموضوع موش حكاية المواطن المطحون ، والا كان الشعب المصري أتقطع خلفه من زمان


بس احنا هو مشاء الله أكتر شعب بيخلف


عروسة


ايوه خلي بالك من البيض ياعروسه

إيمان قنديل يقول...

أسوور

الصديقة الجميلة أسوور



طبعا انا مردتيش عليكي بسرعه علشان أديك وقت علشان تعرفي إزاي تستغلي الدراسة دي لصالحك



ياتري ايه اللي حصل موش تقولي لنا على نتائج التجربه؟

شكلها مكنتش أوكيه !!!!





harmless

الصديق الجميل هارملس


لن أكذب عليك إذا قلت لك إنني أنتظر تعليقاتك على بوستاتي،فدائما تأتي لي بأفكار لم يرها بين السطور سواك

وتعابير لايستطع أحد أطلاقها بسخرية وفلسفة في آن واحد إلا أنت

فمن النادر أن تجتمع خفة الظل والذكاء والحضور وسرعةالبديهة والثقافة في إنسان واحد

إيمان قنديل يقول...

EmY

والله محدش عارف المشكله فين ؟


ممكن راجل يكون قوي جدا وتمام التمام بس مع حبيبته أو عشيقته


وتلاقي مراته

عمالله تمصمص شفايفها وتقول له بتشخط وتنطر على أيه؟؟


وهي نايمه في العسل وموش فاهمه حاجه


أكيد العيب فيها هي!


قبلاتي



Sherif


أنا برضه مستغربه من الدراسه المقرفه دي


بس أهو كل يوم والتاني يطلعوا لنا حاجات موش منطقيه ربما يكون الهدف من وراءها تجاري بحت


فرعون

إن شاء الله سأنصفكم في بوست قادم ماتزعلش

إيمان قنديل يقول...

*SosSoOo* l'o'l



اهلا بالغالية أخت العاليه


دخلت مدونتك ولقيت قطه بخرابيش حلوه




fashkool

العزيز فاشكول


دايما تاخد كلامي بروح حلوه


فعلا أنا بأهنيك على خفة دمك وروحك الطيبه

إيمان قنديل يقول...

misha و lado

كله بيض انا انا عارفه



Desert cat

عسل انتي والله

تعرفي انا غنيت مع التعليق بتاعك

دي وصفه سهله

دي وصفه هايله

وكملت تمشي كده على طول على طول

إيمان قنديل يقول...

بس خلاص ...

أكيد كلنا بنتشابه في ذكريات طفولتنا


هو فيه أحلى من ذكريات الطفوله


كلام على بلاطة

طيب انت بتحب مراتك ، ذنب أنا أيه تكتب لها شعر في مدونتي ؟؟؟

فرعون يقول...

غــــرام .... الحمد لله اللى كتبتى (سانصفكم ) ولم تكتبى ( سانسفكم ) .. وكل الشكر والتقدير لكى اختى العزيزة

Ehab يقول...

هههههههههههههههه

انا مخدتش بالي من البوست ده
بس عايز اقولك يا سكره اني قريت المثل ده في تعليق ليكي زمااااان عند مدونه كان جوزها خانها حزري وافتكري مين هي
المهم انا مزعلتش بقى من المثل ده
علشان عايز اقولك انك لما بتشتغلي في شركه 99% من الموظفين ذكور بتعرفي طريقة تفكيرهم على نور
وهتعرفي من رد فعلهم كل لما تجيلنا سكرتيره جديده
اعذريني انا مبعيبش على الرجال قوي هم بطبيعتهم كده مننكرش
لكن اعذريني بقى لما اقولك ان تشبيهك دقيق قوي ساعات الست بتوصل نفسها انها تبقى لقمه متعاصه خر...يعني من الأخر سواء هو قبل ياكلها بقرفها هي كمان نزلت بنفسها لدرجة بقت هي دي صورتها متعاصه ...

واحب اقولك ان فعلا انتي كنتي وحشاني كلامك ودماغك دي
يارب تنزلي مصر قريب ونطمن عليكي
اخبر بنوتك الحلوه ايه
سلاااااااااااااااااااااااااااام
اخوكي ايهاب

Ehab يقول...

ايوه صحيح كاتبالي في الرد على تعليقي في البوست الأخراني ابني
طيب مش احنا اتفقنا قبل كده هعاكسك يعني هعاكسك لما توصلي المطار وتيجي مصر ان شاء الله
هتقوليلي ابني اخويا ماليش دعوه هعاكسك برده
ربنا يسعد قلبك يارب
ويطمني عليكي
اخوكي بجد ايهاب

سلااااااااااااااااااام

إيمان قنديل يقول...

فرعون


نصفتكم ببوست ولم تعلق يافرعون

إيمان قنديل يقول...

الشنكوتي الكبير

طبعا فاكره حتى انت ذكرته في بوست بعد كده


عموما أنا وحشاك دماغي وانا واحشني تعليقاتك



أما ابني فأنت أبني فعلا وانت عارف من زمان وأعتز وأفخر أن يكون لي أبن مثلك



أما تعاكس مافيش مشكله ما اولادي برضه بيعاكسوني وبيفرحوا لما يشفوني مهتمه بنفسي