الجمعة، ديسمبر 26، 2008

المدونون بين مطاردة الأمن والمرضى النفسيين


من الجميل حقا أن يتضامن المدونون مع أصدقاءهم المدونين الذين تختطفهم أجهزة الأمن وتعتقلهم بسبب مايكتبون من أراء سياسية على مدوناتهم ،وحقا أشعر بسعادة غامرة عندما تتحول المدونات الى ساحات راي جادة تعلن رفضها لما يحدث وتدافع بضراوة عن حرية الرأي ،بل وأشعر بأن للمدونين وجودا مؤثرا على الساحة عندما أراهم ينظمون المؤتمرات التضامنيه من أجل مناصرة زملاءهم ، ولكن الذي أريد قوله ونشره بين الأخوة المدونون أننا لسنا مطاردين فقط بسبب أراء بعضنا السياسية، بل أنني واحدة من المدونين مطاردة بسبب موضوعاتي الحياتيه الإجتماعيه والتي تبتعد كلية عن تناول السياسة،فحتى الكتابة بأسم مستعار لم تحمني من البعض الذي يعرف شخصيتي الحقيقية، فهؤلاء يسعون دائما الى ملاحقتي ومحاولة إيذائي سواء بالتهديدات عبر تعليقات المدونة أو التهديدات المباشرة ممن يعرفونني شخصيا ،وذلك لأنهم يظنون إنني أتناولهم شخصيا في كل مايكتب من قصص ، ورغم أن القراء لايعرفونهم، ورغم إنني لا أكتب أسماء بعينها بل أسرد قصص حيايتيه قد تحدث معنا أو نراها أمامنا جميعا إلا أنني ومنذ بدأت التدوين تعرضت لأفظع الشتائم والسباب والتهديدات



لذلك اقول كما نتضامن في مصر مع الأخوة أصحاب الرأي السياسي الحر فلماذا لا نتضامن أيضا ونشعلها حملات مدويه ضد كل فرد يقوم بتهديد اية إمرأة مدونه لإنه بالطبع لايستطيع أن يفعل ذلك مع رجل؟،لإنه يستغل ضعف المرأة وخوفها على سمعتها وكيانها الأسري في مجتمع ذكوري لايرحم، فالمدونة التي تكتب قصصا من الحياة تتناول فيها الأخطاء البشرية أو قصص تسرد إزدواجية البشر ووجوههم الحقيقية أو تكتب في العلاقة الخاصة بين الرجل والمرأة تكون دائما هدفا لسخافة وقلة أدب المعلقين المجهولين، وتكون أيضا هدفا لمن يتخيل أنها تسرد سيرتها الذاتيه فيبدأ بمطارتها وكأنه كرومبوس وسيكتشف ما يمكنه أن يدمر به حياتها ، اليس حقا علينا أن نتضامن جميعا ضد أية أخطار تواجهنا سواء كانت من الحكومة أو البشرمرضى النفوس الذين بالفعل يستطيعون إيذاءنا وتلويث سمعتنا بالسب والقذف وإشانة السمعة وتهديد الكيانات الأسرية وملاحقة الأبناء وغيرها؟ بل وعمل مدونات تحمل نفس الأسم ويكتبون فيها وكأننا نحن الذين نكتب إلا أنهم يكتبون أشياء مخلة بالآداب، ربما لم يحدث أن تعرض أحدنا لتلك المواقف وأعلنها في مدونته وطرحها كقضية للنقاش، إلا أنني أقول لكم إنني أتعرض لهذا الموضوع وبشكل مدمر منذ أن بدات التدوين

ارجو أن نتكاتف جميعا في هذا الموضوع ونجد له حلا، فالمدونون قوة لا يستهان بها
==========================
تحديث
هناك مجموعه من الناس يعرفون شخصيتي الحقيقيه وهم للأسف يعتقدون أنني أكتب سيرة ذاتيه ، فبدأ خيالهم المريض ينسج السيناريوهات التي لاتمت للواقع بصله، فما اكتبه ربما يكون به جزء من الحقيقيه التي أشاهدها أو أسمع عنها إلا أنني أضيف اليه من نسج خيالي ، وهذا معروف ومسموح في الأدب

هناك 45 تعليقًا:

غير معرف يقول...

مبروك البلوج الجديد
وانا عارف الاسم ومش حشير اليه والفكرة رائعه بجد ربنا يوفقك ان شاء الله

Ahmed Shokeir يقول...

غرام

أعتقد أن تلك قضية جديدة لم يلتفت و ينتبه بها احد من قبل ، ولم أكن أعلم أن تلك قضية متواجدة من الأساس ، ولكن يبدو أنها ظاهرة جديدة في عالم المدونات يجب ان يتكاتف المدونون للتصدي لها وعدم التفاعل معها حتى لايجد الشر أرضاً خصبة ينمو من خلالها

تحياتي

kochia يقول...

حلوة المدونة
وعندك حق .. لا يستطيع تهديد رجل .. وهو فعل الجبناء .. وانا معكِ انه يجب الوقوف في وجه هؤلاء .. اذا كنا نؤمن فعلا بحرية الراي مادام ليس هناك تجريح واهانة لاحد
لكن بما انك تتعرضي لهذا كثيرا لا تعلمي من لا يخصه الامر بهذه المدونة واجعلي اصدقاء التدوين هم اصدقائها الرئيسين .. فقط

تحياتي لكِ

بس خلاص ... يقول...

مبروك البلوج الجديد .... ربنا يوفقك ويبعد عنك وعن اسرتك كل شر وكل الاحقاد
دمتى لمحبيكى فى كل خير

سمكه واحده يقول...

مبروك المدونه الجديده
ويارب تستمر ان شاء الله من غير اي مضايقات

بالتوفيق ان شاء الله
مستنين الجديد بفارغ الصبر
دمتي بكل خير
سمكه

EmY يقول...

مبروك المدونه الجديده و ان شاء الله متتقفلش زي القديمه و تقدري تعلني عن اسمك الي كلنا عرفناكي بيه

انا معاكي ان في ناس كتير مرضي و غاوين غلاسه و قلة ادب و خلاص بس مش معاكي انك تقفلي مدونتك علشان ناس دماغهم تعبانه زي دول

اكتبي الي انتي عايزاه و الي مش عاجبه مايقراش او يقرا و يخبط راسه في الحيط ولا يهمك من حد

Barracuda يقول...

معك قلباً وقالباً

تحياتي العطرة

nouna يقول...

مبروك
لن ازيد عما كتب سابقا..يبدوا اننا يلزمنا دهورا حتى نتعلم حرية الرأى واحترام الرأى الآخر وعدم الحجر على عقولنا
استمرى ومهما كان اسم المدونة فأصدقائك ومحبوك كثر

خمسة فضفضة يقول...

مبروك البلوج الجديد

ومايهمكيش من حد دول شوية ناس مرضي عاوزين يطلعوا عقدهم علي البشر

سلام

momken يقول...

الحقيقه انا من الناس الى مش عارفه شخصيتك الحقيقه كمان معرفش مدونتك القديمه او ممكن اكون اعرفها بس مش رابط بينهم

لكن دعوتك جميله ورائعه وانا شايف انها شىء طبيعى التضامن فى الحق

فالنصره ظالماً او مظلزماً امر نبوى
اما صفه النصره فمعروفه

البوست رائع تسلم ايدم

تحياتى

momken يقول...

الف مبروك المدونه الجديده
مع انى حاسس انك مش شخص جديد فى التدوين


تحياتى

المـــفـــــــقــــــــوعـــــة مــرارتـهــا يقول...

الهجوم ده عادي فيه ناس فاكرة ان الهجوم هو الوسيلة الوحيدة لإثبات الوجود
التدوين عامل ذي البير الغويط مادمتي دخلتيه يبقي لازم تستحملي اللي ممكن يحصل انا في الاول كنت علي نياتي واقعد اسح بدموعي لما تعليق ييجي ويضايقني دلوقتي اخدت مناعة ولاقيت ان الكل بيتشتم قلت الغي الغير معرف وخلاص
تحياتي ومنتظرين موضوعاتك

حسن أرابيسك يقول...

بالطبع كل الحق معك فيما تطرحينه من قضية تدوينة حساسة وشائكة ومبادرتك قيمة وجديرة بالاحترام ولكن بالطبع هي جاءت متأخرة قليلة بعد أناصابتك بعض من سهامها
لكن فقط لي ملحوظة في تنبيهك وملحوظتك التي تقع أخر التدوينة عن عدم ذكر إسمك ضمن تعليقات المدونين لمن يعرفون مدونتك السابقة
يعني بالله عليكي كيف يحدث هذا إلا إذا كنتي تروجين لمدونتك مثما بالطبع روجتي لمدونتك السابقة حتى بدون قصد لمن تعرفينهم
ففي تلك الإشارة وكأنك تصرين على أن تعلني لمن يعرفونك بأت تؤكدي لهم بأنك أنتي هي فلانة
عموما لكِ التوفيق بإذن الله
شاكر زيارتك لمدونتي المتواضعة

كنت أتمنى قراءة تعليقك مهما كان لكن يبدو أن لديكِ اسبابك القوية
تحياتي
حسن أرابيسك

fashkool يقول...

أنا عارفك .. وكنت كل ما أجى لك الاقى ما فيش مدونه .. وبنفس اللينك القديم فوجئت ان المدونه بتفتح .. على العموم حمدا لله على سلامتك .. بخصوص التضامن .. انا معك على طول الخط .. بس حاقرأ واللى ما يعجبنيش .. امشى ويا دار ما دخلك شر .. ايه رأيك .. لازم كلنا نحترم بعضنا .. ممكن نختلف ونختلف اختلاف الاضداد ..لكن ايه المانع اننا نختلف باحترام وادب .. لابد من تغيير سلوكيات الاختلاف
لدينا .. تحتياتى يا .. نسيت الاسم الجديد .. اطلع اشوفه تانى كدا .. غرام

غمض عينيك يقول...

مبروك المدونة الجديدة
ويارب دايما معانا
تحياتي
محمد سمير

سمكه واحده يقول...

بقلك ايه متيجي نعمل نقابه للمدونين ونعمل مظاهرات بقي وحقوق التدوين وكده بس المدونين الجامدين مش اللي اي كلام يعني
بس حلوه الصوره اختيار موفق جدااااا
انا من عشاق الملايه اللف لو كانت استمرت لعصرنا ده كانت البنات هتعمل فيها البدع بردو كانوا هيروشوهاويشخلعوها ويلبسو تحتها كده الفستان المفنكش والمكنكش بجد صوره جميله وكانت في رسمه للفنان محمود سعيد علي ما اظن لتلات بنات بالملايه اللف كانت جميله اوي
اييووووه

تحياتي

karakib يقول...

مبروك المدونة الجديدة و ملعون كل من يحاول تكميم افواهنا

karakib يقول...

مبروك المدونة الجديدة ... كلنا معاكي .. ملعون كل من يحاول أن يكمم افواهنا

مثلية تبحث عن ذاتها يقول...

اولا مبروك على البلوج الجديد
ثانيا اياك ان تدعي اي حد ايا كان من هو ان يرهبك وانك سيده ضعيفه لا لست ضعيفه ولابد ان تعبري عن رأيك كما شئت فنحن هنا لذلك الغرض حيث ارهقتنا حماقه العالم و اسقاطتهم المريضه افعلي ما شئتي انتي انسان حر وانا معك كما يوجد هنا الكثير معك لا تدعيهم يضعوا كمامه على فمك او حجر على قلبك لا تبالي عزيزتي بما يكتبون عن لسانك او ما يقولون فهم مرضى واكيد من يحبونك سوف يدركوا ذلك جيدا
اجعلي قلمك حر في وجه اي مريض
تحياتي لك

أحــوال الهـوي يقول...

اولا
دوختيني لحد ما وجدت البلوج الجديد بالصدفة
ثانيا
محدودي الفكر من يتصوروا ان الابداعات لابد ان تكون مذكرات شخصية و قضايا خاصة و لا يعرفون مدي جرأة المواضيع التي تكتبين ومدي حاجة البعض معرفتها

ثالثا
لا تتخلي عن رسالة تؤمنين بها و انا شخصيا رغم كهالتي استفدت

تحياتي لشخصك الكريم

غير معرف يقول...

Dear friend

How long r you going to play this game ( hide and seek) with these people. Either you stand against them and be tough or you walk away and this solution is good because you are a mother and you should think of your kids. But try to go to law if these people keep on blackmail you.
BE STRONG

Take care
your somalian friend

GHARAM يقول...

غير معرف


الله يخليك

==============

Ahmed Shokeir


يلا همتك معانا يا استاذ أحمد

===============

kochia

علشان كده بعت لكم موقعي الجديد

++++++++++++
بس خلاص ...

أنا قويه بيكم

++++++++++++++

سمكه واحده

حبيبه قلبي دائما سلامي الى أختك الجميله

============

EmY

والله بحبكم علشان كده موش قادره ابعد عن التدوين

============
Barracuda

أكيد أنتم معايا طبعا
============

nouna

توأم روحي نونا وهذا يكفي

+++++++++++
خمسة فضفضة

مشكلتي منذ البدايه هي المطاردات المستمره من هؤلاء

==============

momken

طبعا موش محتاجه أقول لك انك من اهم الناس عندي

+++++++++++
المـــفـــــــقــــــــوعـــــة مــرارتـهــا

الموضوع موش تعليقات ، هناك تهديدات مباشره عبر الهاتف ممن يعرفون شخصيتي الحقيقيه

===================
حسن أرابيسك

انت تعرف مدى أعتزازي بك ياحسن، وأرجو أن تكون قرأت أيميلي

++++++++++++++

fashkool

اهلا الغالي

+++++++++++

غمض عينيك

أنا عارفه أني معذباكم معايا معلش

+++++++++++

karakib

عندما نتكاتف سنكون اقوياء في مواجهة هؤلاء

================

مثلية تبحث عن ذاتها

أشكرك دائما على تعليقاتك عندي

+++++++++++++

أحــوال الهـوي

وعرفت طريقي ازاي

GHARAM يقول...

somalian friend



اهلا اهلا اهلا اهلا



وحشتيني جدا

احساس لسه حى يقول...

عزيزتى
كل سنه وانتى طيبه

طبعا النفس البشريه امارة بالسوء ودايمن بنحاول نربط بين ما يكتبه المدون وحياته الشخصية

ويمكن الرجل غير المراه يعنى الرجل بيتكلم بحريه اكتر عن حياته الشخصيه

وشوفى كويس ان فى ناس قريبين منك وعرفتى انهم بينسجوا سيناريوهات عن حياتك الشخصيه من كلامك فى المدونه

وانتى ابتديتى مدونه جديده

المهم بقه تتعلمى ازاى تتعملى مع كل مدون ومدونه وايه المسموح يعرفوا عنك مدون او ميعرفهوش

وميهمكيش حد اللى بيهدد فى التدويين يبقا معندهوش شئ تانى بيعرف يهددك بيه واكيد بيحاول يكبر شئ صغير كتبتيه

ربنا يحميكى ويقويكى

تحياتى

سلام

كلام على بلاطة يقول...

فى قلوبنا
الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
======================================

ذو الوجه المبتسم يقول...

مبروك ياستى قصرك الجديد فى عالم التدوين
ويارب يجعله عامر

وجهة نظرى المتواضعة ان تستمر فيما تفعلى ولا تنظرى الى الخلف
طالما انتى على حق
ولكن آآمل منك الا تجرحى ولا تتخطى ولا تتعدى على احد مهما كانت درجة اسائته اليكى

من خلال كلماتك يبدو انك على قدر كبير من الثقافة
ومش هاقول فيما يبدو سرقو عبدووووو هههههههه
تمنياتى لك بالتوفيق

ذو الوجه المبتسم يقول...

معلش نسيت اقول حاجة
معلش هى مش كوميدية
لكنها مأسوية الى ابعد الحدود
وهى ما يحدث فى فلسطين الان
على مرأى ومسمع من العالم
العربى قبل الغربى
ياخسارة يا بشر
يا خسارة يا عرب
امتى يرجع لنا صلاح الدين
ولا جمال عبدالناصر

امتى بسسسسسسسسسسسس ؟؟؟!!!!!!
عذرا اختى لانى خرجت عن النص

Sherif يقول...

مبروك لكل جديد تعمليه

ولا تحرمينى من مقالات صريحة شجاعة ..

اعتقادى انه حتى هؤلاء لايستطيعون شيئا غير الكلام.. لانهم جبناء فى النهاية

أنت تتبنين رسالة من النادر ان يتصدى لها حتى الرجال .. فما بالك بالنساء

كل تمنياتى لك بالتوفيق

سمكه واحده يقول...

كل سنه وانتي بالف خير والسنه دي تكون احلي من اللي قبلها ان شاء الله علينا كلنا
كل سنه وانتي اجدع واحلي واعسل مدونه
تحياتي الكبيره اوي اوي
سمكه

يا مراكبي يقول...

برغم أنك قد أشرتي إلى هذه القضية من قبل .. إلا أنني لم أكن أتصور أنها تصل إلى هذا الحد السخيف الذي وصفتيه لنا

فلنكرر معا أن مجتمع المدونين ما هو إلا إنعكاس للمجتمع الحقيقي بكل آفاته ومحاسنه .. فبرغم بداية التدوين الراقية والتي كانت مقصورة على صفوة من الناس .. إلا أنه تدريجيا بدأ في الإنتشار بين كافة طوائف المجتمع مما أدى إلى ألا يختلف المجتمع التدويني كثيرا جدا عن المجتمع الحقيقي .. وبات على الكل أن يحسن إختياراته فيمن سيتواصل معه

fashkool يقول...

يا دنيا يا غرامى .. يا فرحى يا ابتسامى .. قلبى يحبك يا دنياااااا
غبت عليا كتير يا غرامى .. لعل المانع خير ..على العموم اذا كنت كويسه ما فيش مشاكل يبقى الحمد لله .. كل عام وانت بخير هجرى وميلادى

momken يقول...

علشان كده يا غرام كنت بحب تكون شخصيه المدون غير معروفه

او يكتب باسم حركى

اما عن المجد الشخصى فاحنا قادرين على تحقيقه فى مجال عملنا جميعاً
اما المدونه فندعها للفضفضه او قص الاراء او الحديث الحر الذى نريد طرحه

ولا مانع من ان نكون معروفين لبعض الاصدقاء المقربين او المدونين الذين نتوسم فيهم التفتح والفهم

تحياتى

GHARAM يقول...

احساس لسه حى

وانت بالف خير وطول ما انتو معايا أنا قويه

===============
كلام على بلاطة

تسلم
===============

ذو الوجه المبتسم
وجهة نظرك لابد وان أحترمها

=================
Sherif

كلامك كتير عليه قوي أشكرك

==================
سمكه واحده

يا احلى سمكه أسكندرانيه بأموت فيكي


===============
يا مراكبي

شفت يامراكبي الموضوع كبير قد ايه؟

===========
fashkool

أيه ياعم فاشكول الصوره دي والنيولوك شكلك بتحب على الحاجه ، أحترس أنا فتانه

===============

momken

والله غلط تبقى شخصيته الحقيقيه موش واضحه بس نعمل أيه ؟

mahasen saber يقول...

يا حبيبتى ولاا يهمك دول مرضى نفسيين وضعاف نفوس زى ما قلتى فمينفعش يتخاف منهم دول يتخاف عليهم ونشفق على اليى عايشين معاهم

ولاا يهمك كتاباتك جريئه ومعبره لانها من الواقع ففيه ناس رؤية واقعهم بتوجعهم وتخليهم يخبطوا فى اليى حواليهم اكتر من ما يستفيدوا ويراجعوا نفسهم

واسفه جدا اتاخرت عليكى بس انا كنت غايبه عن التدوين فتره وعلى قد ما زعلت انك مسحتى اسم المدونه القديم الا انى مبسوطه انك برضه متواجده ومنورا العالم ده برغم انف الحاقدين

منوره يا جميله

Desert cat يقول...

انتى كلامك صح فعلا وسبق كنت اشرت له من قبل لكن كلامى وقتها كان بوجه عام عن المدونين اللى بيتم اعتقالهم فقط
طبعا انا متضامنة معاكى
انتى متاكدة انى مش شوفتك لنهارده ولا سالتك على حاجه ؟؟؟
:)))))

~*§¦§ Appy §¦§*~ يقول...

وحشتينى
بس انا عارفه انك قويه وهتقدري عليهم ولا تخافى

الربان يقول...

تحياتي

اول مرة اسمع عن التهديدات...و اعتقد
ان من يهدد لن يفرق بين رجل و أمرأة
و في كلتا الحالتين ( سواء رجل او امرأة) فهو تصرف بغيض و مقيت...ينبغي
ان يقف الجميع ضده...اللهم الا إذا كان هناك سلوك مكروه او ما شابه ذلك مثل التجديف في الدين من قبل المدون.

أسأل الله ان يهدينا جميعا سواء السبيل.

لك خالص تحياتي و تقديري

سمكه واحده يقول...

وبعدين اتأخرتي اوي
لعل المانع خير مطوليش علينا كده
طمنينا

GHARAM يقول...

mahasen saber



كلامك مظبوط وصدقيني أنا لا اقصد غناس بعينهم ولكن تعملي ايه اللي على راسه بطحه



Desert cat

في الجايكو يمكن

GHARAM يقول...

~*§¦§ Appy §¦§*~


أنا أسد أسد أسد


هههههههههههههه



الربان

حتى لو فيه سلوك مكروه موش معقول نمشي ورا الناس نهددهم نبطل نقرا لهم وخلاص




سمكه واحده

ياسمكمك انا بس مشغوله شويه بس حا ارجع اكتب وبسرعه

Hesham يقول...

أولا أحب ان اتوجه بالشكر على تعليقك الذى يدل على انه فعلا الحمدلله لسه فيه ناس زملكاويه ولكن إن تدبرت فيما كتبته ستجدينه مما يمكن أن نطلق عليه الرياضة السياسية او السياسة الرياضية عموما اتمنى أيضا أن تقراى باقى ماكتبته فى مدونتى وأن نصبح أصدقاء فى حب الزمالك وحب مصر أيضاً وأتمنى ايضا تعليقك على كل ماكتبته فى هذه المدونه التى اشعر انها وحيده لاتقرأ فأنت تقريبا الوحيده التى قرات ماأكتبه رغم ان المدونه منذ عام 2006 فياريت تشجعينى بجد عموما شاكر مرة اخرى ومنتظر الرد

الشنكوتي الكبير يقول...

امسك يا جددددع

قفشتها
مسكتها يابووووووي

انا هابلغ عنك اهو
ههههههههههههههههه

عزيزتي مجتمعنا كه ماشي على نظام الحكم على حريات الناس والتدخل فيما لا يعنيهم
كل واحد بياخد على قفاه في حته عايز يفش غله في اي حد
يعني كتير في المدونات افتح عند حد علشان اعلق على بوست مثلا الاقي حد كاتبله شتيمه وتوبيخ على انه ازاي بيتكلم كده ويقعد يتخانق كأنه هو مأمور مركز المدونات
ده غير اللي بيشتم بمجهول الشهيره ويخلع
واللي يقولك انا ضيعت وقتي بقراءه مدونتك انت اسلبوك مش حلو وهايف وكده
ما علينا بقى الحل في اننا نتجاهلهم كأنهم دبانه معديه علينا وصدقيني لما مبيلاقيش استجابه منك بيزهق ويروح يغلس في حته تانيه
اما اللي يعرفوكي بقى يابختهم طبعا بمعرفتك
لكن كونهم يهددوكي ويضايقوكي علشان واخدين الكللام على نفسهم يبقى يتفلقوا اللي على راسه بطحه يروح يداريها

سلاااااااااااااااااااااام
اخوكي ايهاب

الشنكوتي الكبير يقول...

اه بالمره بقى اعلق هنا

اشاطركم الأحزان في فضايح الزمالك اخوكي برده ابوه زملكاوي واتزلينا كتير بسبب المشكله دي
وانا حليتها بأني قررت مشجعش كوره خالص
وده ريحني جدا لأني اشتغلت في نفس شركة ابويا ولأنه عصبي جدا محدش بيقدر يغيظه بهزيمة الزمالك فكان نفسهم يغلسوا عليه بأنهم يغيظوني انا بس كبستهم وعرفتهم اني مليش في الكوره اصلا

سلااااااااااام

GHARAM يقول...

الشنكوتي الكبير

انت عارف ياشنكوتي

لغيت مدونتين قبل كده بسبب قلة ألأدب والمطاردات ربنا يستر على المدونه دي كمان


وفعلا اللي على راسه بطحه




أما الزمالك ففعلا سعيكم مشكور

مثلية أردنية يقول...

الأمن انا بعرف إنه بتابع المدونين ويعتقلهم .. لكن من أشخاص عاديين ما سمعت فيها هادي .. بس اللي بدي أفهمه هو كيف قدروا يوصلولك .. لو كان عن طرق الهكر فهادي المشكلة سهل نحلها ..